MotoGP

Роси: Јас завршив повеќе од валканата работа отколку Лоренцо

„Јас завршив повеќе од валканата работа во споредба со него, извозев и повеќе кругови. Тој се концентрираше повеќе на перформансите.  Но во секој случај, времето кое го постигна е импресивно,“ изјави Валентино Роси.

Следете нè на:

 

Валентино Роси имаше уште еден импресивен настап откако заедно со својот тимски колега Хорхе Лоренцо ги освоија првите две места на последниот ден од тестот во Сепанг. Роси постигна време од 2м 00.556с, што е за девет десетинки послабо од времето на актуелниот шампион, а вкупно четврто најдобро време на тродневното тестирање. Но Роси сепак е свесен за разликата меѓу него и неговиот тимски колега.

rossi test sepang 2016 7Валентино Роси е задоволен од првиот пред сезонски тест

„Хорхе се чувствува многу добро со новите пневматици и новиот мотоцикл. Притискаше повеќе и извозе подобро. Но ова е само прв тест. Искрено, јас завршив многу повеќе од валканата работа во споредба со него, извозев повеќе кругови. Тој се концентрираше повеќе на перформансите. Но во секој случај, времето кое го постигна е импресивно,“ изјави Валентино Роси.

„Сите ние останатите возачи сме позади него. Мораме да се доближиме. Тој е добар во секој поглед, знае кога да притисне на сопирачката и знае брзо да влезе во свиок.  Во овој момент, тој е во добра кондиција и одлично го вози мотоциклот.“

„Пневматиците се многу слични на Bridgestone, но сепак има разлика. Но сепак, чувството е слично како минатата година“ додаде Роси.

„Страничниот дел е малку подобар, а предниот е малку полош во споредба со Bridgestone. Но се е во однос со распоредот на тежината на мотоциклот и начинот на кој правиш да функционира пневматикот. Затоа е важно да се разбере.“

Роси е импресиониран од промените кои се воведени оваа сезона, пред се од ECU како и од пневматиците од Michelin. На прашањето уште колку долго планира да се трка, тој изјави дека планира да остане во MotoGP се додека има сила да се бори за врвот.

„Големо е задоволството да се биде на врвот и тоа е мојата цел, бидејќи исто како и во 2014 година, тестот и првата половина од сезоната ќе ми бидат важни за да разберам дали имам доволно потенцијал за да продолжам.“

„Добро е што завршив на второто место тука и сакам да продолжам. Но ќе го сторам тоа само ако можам да се борам за висока позиција.“

„Среќен сум во однос на сите тестови. Исто така среќен сум бидејќи денеска завршивме одлична работа и пробавме многу различни работи. Мислам дека собравме важни информации за да го подобриме мотоциклот, а исто така и постигнав време од 2'00.5, што воопшто не е лошо.“

„Мораме многу да работиме. Ќе се обидеме уште еднаш да бидиме подобри од модифицираната RC213V 2016 на Филип Ајленд, бидејќи новиот мотоцикл не беше толку лош на крајот. Освн тоа, Yamaha заврши одлична работа со електрониката, а Michelin заврши добра работа со предниот пневматик.“

Поранешниот ривал на Роси, Кејси Стонер, беше импресивен на патеката во Сепанг во неговата нова улога како тест возач за тимот на Ducati. Последниот ден од тестирањето, Стонер со својот Desmosedici GP15 го заврши на петото место и се најде пред неколку добри возачи како што се Дани Педроса, Андреа Јанон и Андреа Довициозо.

Прашан дали е срамота за возачите кои се најдоа позади Стонер, Роси избегна да даде одговор и само кратко изјави дека не знае. Но сепак, тој додаде: „Добро е да се види вакво време. Ова е одлично за шампионатот. Нивото е веќе високо. Стонер се уште има потенцијал и беше навистина брз.“

Мотоциклот на Роси беше малку променет во споредба со минатата сезона, од тимот поставија додатоци налик на крилца, но сепак деветкратниот шампион не беше во можност да ги каже предностите од овие промени.

„Се обидов и интересно е бидејќи тие прават различни додатоци во форма на крила. Но не осетив никаква разлика и повеќе сакам мотоцикл без такви делови,“ изјави тој.

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.