MotoGP

Роси е убеден дека повеќе нема да има проблеми со мотоциклот

Минатата година бев навистина добар, а и двата мотоцикли на Yamaha завршија на подиумот. Изгледа дека оваа патека ни одговара“ – Валентино Роси

Следете нè на:

 

Валентино Роси е убеден дека неговиот тим ќе има добар настап овој викенд и дека ќе се борат за место на подимот на трката која се вози на Филип Ајленд. Италијанецот и неговиот тимски колега, Маверик Вињалес, оваа сезона имаат проблеми со фабричкиот YZR-M1. Последната победа тимот на Yamaha ја постигна на трката во Асен во 2017 година. Тоа воедно беше и последната победа на Валентино Роси во премиерната класа.

Сепак, патеката во Австралија вообичено и одговара на Yamaha, а Роси се надева дека тоа ќе продолжи и во иднина.

„Мислам дека патеката на Филип Ајленд е една од најдобрите за сите возачи. Секако дека се важни временските услови и затоа се надевам дека тие ќе бидат добри, особено во недела, “ вели Роси.

„Минатата година бев особено добар, а и двата мотоцикли на Yamaha завршија на подиумот. Но секоја сезона е различна. Тука на оваа патека особено е важно да имаме добар баланс. Тоа ќе помогне за да имаме подобар настап со мотоциклот. Ќе видиме дали ќе можеме да бидеме компетитивни и да се бориме за место на подиумот.“

На пресконференцијата пред трката, од девет- кратниот шампион беше побарано да објасни зошто оваа патека е толку омилена кај возачите.

Роси, кој се наоѓа на третото место на табелата и заостанува само девет поени од второпласираниот Андреа Довициозо изјави: „За мене, Филип Ајленд е навистина уникатна патека.  Можеби на друга патека сте побрз, но тука сте брзи во свиоците бидејќи тие се подолги. Исто така постојано морате да го менувате правецот на движење што е навистина исцрпувачки.“

„Трката воглавно е по левата страна но исто така е брза и по десната страна. Морате да внимавате и на пневматиците, особено на нивната температура. Исто така, тука и не ги употребувате сопирачките премногу.“

Предвидувањата на „Докторот“ се движат во вистинската насока, откако неговиот клубски колега забележа најдобро време на денешниот прв тренинг, и трето време на вториот тренинг, сепак Роси беше само 10-ти на двете досегашни сесии.

Би можело да ве интересира

Со оглед на тоа дека веќе е во тек првиот MotoGP тест за сезоната 2019, денеска на патеката во Валенсија видовме неколку возачи кои за прв пат ги носеа боите на своите нови тимови. Прв на листата беше новиот возач на Honda, Хорхе Лоренцо.

„Многу често победите на трките на издржливост, без разлика дали станува збор за превозни средства на две или на четири тркала, се постигнуваат во гаражите. Поради ова, прецизно извршената замена можеби е најважниот елемент од една трка.“

Маверик Вињалес постигна најдобро време на тестот кој се оддржа веднаш по трката во Валенсија. Возачот на Yamaha кој настапи со новиот модел М1, беше за речиси половина секунда побрз од актуелниот шампион Марк Маркез. Успешен ден имаше и вториот возач на тимот, Валентино Роси кој заврши на третата позиција. Актуелниот Moto2 Светски Шампион, Пеко Бањаиа беше најдобар помеѓу дебитантите и заврши на единаесетата позиција наспатувајќи со Pramac Ducati.

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.