MotoGP

Роси: Борбата за титулата е отворена

Валентино Роси заостанува само 12 поени зад тимскиот колега Хорхе Лоренцо откако  го освои второто место на MotoGP трката во Франција

Следете нè на:

 

 

Роси едноставно беше незапирлив на Француската трка. Тој успеа од седмата позиција да се пробие до врвот и да го освои своето 178 место на подиумот. „Докторот“ лошо стартуваше од третиот ред, но за кратко време успеа да се пробие до врвот.

rossi slideshow 16

Откако успеа да ги претекне колегите од Yamaha, после третиот круг Роси се најде на петото место откако го претекна Алекс Еспаргаро. Деветкратниот светски шампион тогаш се фокусираше на Марк Маркез и го забрза темпото, притоа постигнувајќи и најбрз круг на трката од 1'33.293.

На 20 круга до крајот, Роси се најде на четвртото место откако Ианоне излета од патеката. Веќе во следниот круг, кај свиокот „Garage Vert“, тој се обиде да го претекне ривалот од Шпанија. Кај свиокот „Musée“, Роси успеа да го претекне и Андреа Довициозо. На дванаесет кругови до крајот на трката, Роси веќе не беше под притисок. Бидејќи не можеше да го стигне тимскиот колега, кој имаше предност од 5.2 секунди, тој се фокусираше на оддржување на предноста над Маверик Вињалес кој се наоѓаше на третата позиција. Ова е втора трка по ред на која тимот на Yamaha остварува двојна победа откако на претходната трка во Херез, Роси заврши на првото место а Лоренцо беше втор.

Со овој резултат, Роси сега заостанува 12 поени во однос на лидерот Хорхе Лоренцо и само 7 поени во однос на Марк Маркез.

Следната трка од MotoGP шампионатот ќе се оддржи од 20ти до 22ри Мај на патеката во Муџело, Италија.

Валентино Роси: „Почнав лошо од третиот ред, па на почетокот беше многу комплицирано. Бев многу брз но мораш да бидеш внимателен бидејќи лесно може да се направи грешка. Чекор по чекор се доближив до Маркез и Довициозо и во тој момент бев побрз од нив. Среќен сум бидејќи воопшто не е лесно да стартуваш од седмата позиција и на крајот да освоиш 20 поени. Во шампионатот заостанувам 12 поени зад Хорхе и 7 зад Марк. Тоа значи дека борбата за титулата е отворена и мораме да бидеме сконцентрирани. Во моментов сум на третото место и морам да размислувам од трка на трка. Тоа особено се однесува на Муџело каде што ќе се обидам да возам со исто темпо.“

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.