Хорхе Лоренцо стартуваше на Француската MotoGP трка од првиот ред, беше во водство во текот на целата трка и на крајот победи со предност од 10.6 секунди.
Лоренцо ја стартуваше MotoGP трката која се оддржа во Франција, токму онака како што планираше.
Од самиот старт тој го презеде водството и после првиот круг тој веќе имаше предност од 0.4 секунди. Следен од возачите на Ducati, Андреа Ианоне и Андреа Довициозо, Лоренцо од круг во круг возеше се побрзо. До крајот на трката, Лоренцо не беше предизвикан од ниту еден возач. Тој оствари перфектна победа и на крајот имаше предност од повеќе од десет секунди зад Роси, кој заврши на второто место. Покрај победата, тој исто така се искачи и на првото место во генералниот пласман.
Лоренцо сега има предност од 5 поени пред возачот на Repsol Honda, Марк Маркез. Следната трка од MotoGP шампионатот ќе се оддржи од 20ти до 22ри Мај на патеката во Муџело, Италија.
Хорхе Лоренцо: „Многу сум среќен со оваа победа, бидејќи се беше речиси совршено. Знаев дека Маркез ќе се бори за победа, или доколку не е доволно брз ќе го освои второто или третото место и се уште ќе биде лидер на табелата. Но тој излета од патеката. Бидејќи сите имавме по некоја незгода во досегашниот дел од шампионатот, ова е како да почнеме од почеток само што сега ние имаме пет поени предност.“
Коментари