Новиот возач на Repsol Honda имаше убав старт на годината.

Пред Пол Еспаргаро е голема година. Шпанскиот возач, кој официјално од 1-ви јануари е дел од Repsol Honda, доби големо изненадување од тимот. Враќајќи се дома од тренинг, во дворот од неговата куќа го пречека новиот Honda RC213V.

Шпанецот вели дека бил вложен голем труд за овој мотоцикл да го добие бројот 44, бројот со кој ќе настапува во новата сезона од MotoGP шампионатот. Исто така вели и дека одамна сонувал еден ден да ги носи боите на Repsol Honda.

Еспаргаро смета дека сите возачи во серијата сакаат да го победат HRC. Сега има можност да му се исполни сонот, да се бори за најдобриот резултат а во исто време да ја дели гаражата со Марк Маркез.