Педро Акоста им кажал на оговорните во KTM дека неговата одлука да премине во Ducati не е мотивирана од финансиски причини, туку од желбата да се натпреварува против Марк Маркез со идентичен мотоцикл.
Извршниот директор на KTM, Готфрид Нојмајстер, лично се обидел да го убеди младиот шпански возач да остане во австрискиот тим и за сезоната 2027, но наишол на јасен став за спортскиот дух.
Нојмајстер раскажа дека разговорот со Акоста бил искрен и директен. „Ми рече: 'Готфрид, не се работи за милион повеќе или помалку. Гледаме возачи кои потпишуваат за други тимови само поради пари, но тоа за мене не е спортски дух'“, пренесе директорот на KTM.
Педро Акоста, Марк Маркез. © Gold and Goose
Акоста, кој е дел од семејството на KTM уште од категоријата Moto3, јасно ја истакнал својата намера: „Дури и ако имате подобар мотор со новите правила од 850 кубика, јас сакам да го победам Марк со истото оружје“. Шпанецот веќе потпиша двегодишен договор со фабричкиот тим на Ducati, каде ќе му биде колега на седумкратниот шампион Марк Маркез во претстојната ера на мотоцикли со 850 кубика и гуми Pirelli.
Акоста им ја подари на KTM првата победа во кралската класа уште од 2022 година, триумфирајќи токму на домашната патека на производителот, Ред Бул Ринг. Акоста моментално се наоѓа на четвртото место во генералниот пласман.
Трансформација на KTM за 2027 година
Нојмајстер нагласи дека успесите на Акоста не смеат да се гледаат изолирано од работата на целиот тим. „Ако моторот не е на ниво, не можете да испорачате резултати и ќе бидете во последниот ред. Потребен е тимски напор, а не само одличен возач“, додаде тој.
Педро Акоста, Марк Маркез. © Gold and Goose
Со заминувањето на Акоста во Ducati и преселбата на Бред Биндер во WorldSBK шампионатот, KTM подготвува целосно нова возачка постава за 2027 година, составена од Алекс Маркез и Фабио ди Џианантонио. „Имам голема доверба во овие возачи. Мораме да внесеме сигурност во проектот и да направиме промени. Мојата стратегија е фокусирана на континуирана работа, подобра егзекуција и анализа базирана на податоци“, заклучи Нојмајстер.
Коментари