MotoGP

Официјално, Педроса останува во Хонда до 2018, Вињалес оди во Јамаха

Хонда денеска и официјално потврди дека го обезбеди потписот на Дани Педроса до 2018 година, со што се негираа шпекулациите дека Шпанецот ќе му биде клубски колега на Валентино Роси во Јамаха.

Следете нè на:

 

Хонда денеска со задоволство соопшто дека го продолжи договорот до Дани Педроса за дополнителни две години, со што тој ќе настапува за HRC тимот до 2018 година.

Иако се шпекулираше дека Педроса ќе потпише со тимот на Јамаха, како клубски колега на Роси, информациите се покажаа како неточни и денеска официјално се потврди дека Хонда ги задржува Маркез и Педроса во своите редови. За 30 годишниот Педроса трката која се вози овој викенд ќе биде 250-та во Гранд При трките. 

repsol honda dani pedrosaДани Педроса останува во Хонда до 2018 година

Педроса е возач на Хонда во целата своја кариера, тој започна во 2001 во класата до 125цц, откако ја освои титулата во 125, а потоа и два пати во класата до 250цц, во 2006 тој премина во кралската класа. Во МотоГП три пати завршува на втората позиција (2007, 2010, 2012) и три пати како третопласиран (2008, 2009, 2013) но сеуште нема освоено титула.

Многу сум среќен што можам да објавам дека го продолжив договорот со Хонда. Благодарен сум му на тимот за довербата која ја покажаа во мене и можноста да го продолжиме договорот на уште две години. Мислам дека за мене е најдобро да продолжам со истата компанија со која ги започнав трките. Среќен сум што преговорите траеја кратко и сега можам 100% да се фокусирам на трките. Дани Педроса

Со потписот на Педроса за Хонда, веќе е извесно дека Маверик Вињалес ќе биде новиот клубски колега на Валентино Роси во Јамаха, она што останува незивесно е кој ќе биде негова замена во Сузуки. Се шпекулира помеѓу некој од возачите на Дукати (Довициозо или Јанон), а од неодамна сигурна опција за тимот е и Мото2 возачот Јохан Зарко. Официјалното соопштение од Вињалес се очекува во четврток.

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.