MotoGP: Три трки до крајот, викендов се вози Филип Ајленд

Патеката Филип Ајленд во Австралија викендов ќе биде домаќин на 16-та рунда од МотоГП шампионатот.

Патеката Филип Ајленд во Австралија викендов ќе биде домаќин на 16-та рунда од МотоГП шампионатот.

МотоГП шампионатот полека се ближи кон крајот, на ред 16-та од вкупно 18 рунди, а имајќи во предвид дека сме сведоци на една од нај возбудливите сезони до сега сигурни сме дека не очекува интересна трка. Валентино Роси е водечки во шампионатот со 283 поени, 18 повеќе од второпласираниот Лоренцо. Додека „Докторот“ ита кон 10-та титула, неговиот клубски колега воопшто нема намера да ја предаде борбата.

Филип Ајленд е патека со долга историја, првите трки со мотори на ова место се одржале во 1931 година, а во 1956 е изградена постојаната патека. МотоГП шампионатот се појави на Филип Ајленд во 1989 и 1990 година, за од 1997 да влезе во постојаниот календар.

Погледот на океанот и прекрасната околина е карактеристична за патеката со должина од 4,4км, составена од 12 свиоци од кои 7 се леви, а 5 десни. Најголемиот правец е со должина од 900 метри.

Претендерите за титулата имаат одлични резултати на Филип Ајленд, Валентино Роси има забележано пет последователни победи од 2001 до 2005, а победа забележа и минатата година со што го делат првото место на листата на најмногу победи со Кејси Стонер (по 6). Во 2008 и 2009 тој заврши на втората позиција, а шампањското го има отворено како третопласиран и во 2000, 2006, 2007, 2010, и 2013.

Хорхе Лоренцо има забележано три втори места во 2010, 2012 и 2014, а во 2013 забележа победа со рекорд на патеката кој сеуште е активен (1'27.899)

Пренос од сите сесии ќе има на Спорт Клуб каналите според следниот распоред:

Sport Klub 3 - Петок

Sport Klub 1 - Сабота

Sport Klub 3 - Недела

Sport Klub 1 - Недела

За оние кои ги немаат Спорт Клуб каналите во својата ТВ понуда, стриминг ќе биде достапен на: http://www.sportcategory.com/c-10.html