MotoGP

MotoGP: Роси доминираше на патеката во Херез

Валентино Роси доминираше на MotoGP трката која се оддржа во Херез, Шпанија. Возачот на Movistar Yamaha беше лидер на трката од самиот почеток па се до крајот.

Следете нè на:

 

„Докторот“ имаше извонредна трка и ја оствари својата прва победа во 2016 година. Во текот на целата трка, тој само еден краток период не беше на првото место.

Самата трка, за разлика од Остин и Аргентина, не беше исполнета со возбудувања. Роси постојано беше во предност во однос на своите ривали, а неговото просечно време на еден извозен круг изнесуваше 1 минута и 40 секунди. На крајот, тој имаше 2.3 секунди предност пред Лоренцо, а Марк Маркез заостануваше дололнителни 5 секунди.

Во поголем дел од трката, Роси беше следен од Маркез, но во 15-от круг Шпанецот направи грешка и на крајот мораше да се задоволи со третото место и со освоени 16 поени.

rossi pobeda herez113 победа за Роси во МотоГП

Неговиот тимски колега Дани Педроса беше на четвртото место во текот на целата трка, освен еден краток период на почетокот кога беше на третото место. На крајот, Педроса заостануваше повеќе од десет секунди во однос на Роси, кој сега има 113 MotoGP победи.

Алеш Еспаргаро заврши на петото место со предност од 2 секунди во однос на тимскиот колега Маверик Вињалес.

Андреа Јанон беше најдобриот возач на Ducati на оваа трка. Тој заврши на седмото место. Неговиот тимски колега Андреа Довициозо повторно доживеа несреќа откако неговото предно тркало закочи во десетиот круг. До тој момент, Довициозо се наоѓаше на седмото место.

Возачот на Monster Tech 3 Yamaha, Пол Еспаргаро го освои осмото место и се најде пред Ирецот Јуџин Лаверти кој го освои деветото место. Хектор Барбера од Avintia Ducati беше десетти.

Единаесетото место го освои возачот на LCR Honda, Кал Кратчлоу, а зад него се најдоа Бредли Смит од Monster Tech 3 Yamaha, Лорис Баз од Avintia Ducati и Штефан Брадл од Aprilia. Тимскиот колега на Брадл, Алваро Баутиста, излета од петеката во седмиот круг.

Возачот на Aspar Ducati, Јони Фернандез, го освои петнаесетото место и се најде пред тест возачот на Ducati, Микеле Пиро кој е замена за повредениот Данило Петручи.

Џек Милер беше седумнаесети пред тимскиот колега Тито Рабат. Скот Рединг трката ја заврши на разочарувачкото деветнаесетто место.

 

Би можело да ве интересира

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Не е необично кога одредена компанија со цел да привлече што е можно поголемо внимание, одлучува за време на некое мото шоу да претстави мотоцикл кој се базира на некој иден модел. Но R18 "Departed" кој го видовме за време на мото шоуто во Јокохама има уникатен 1800cc мотор.

„После 20 години прекинува прозиводството на големиот мотоцикл на Suzuki“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.