Четвртата станица за MotoGP караванот оваа година е во Тексас, САД. По третиот по ред различен подиум на трката во Аргентина следува врзан викенд во кој се враќа и Марк Маркез.

Гран при натпреварувањата во Америка имаат долга традиција која ги вклучува легендарните патеки како Дејтона, Лагуна сека и Индијанаполис. Во 2013 година беше изградена патеката „Circuit of The Americas“ која со својот изглед, услови и капацитет од 120.000 гледачи стана хит и веднаш влезе во календарот на МотоГП шампионатот.

Со должина од 5,5 километри, патеката е составена од 20 свиоци од кои 11 се леви, а 9 десни. Најдолгиот правец изнесува 1200 метри, а најголемата брзина измерена на патеката изнесува 345,6 км/ч. Рекордот на патеката е во сопственост на Марк Маркез, кој во 2015 година сврте круг за време од 2'02.135.

Возбудувањата започнуваат денеска со малку поинаков распоред од вообичаениот, Moto3 возачите ќе бидат последни во слободните тренинзи

Распоред за следење