MotoGP

MotoGP: Јамаха ги презентираше боите за 2016

Денешната презентација на Јамаха во седиштето на „Movistar“ во Барселона не ги исполни очекувањата на фановите.

Следете нè на:

 

Иако се очекуваше од Јамаха да презентира нов изглед на МотоГП моторите за 2016 година, Лоренцо и Роси визуелно ќе возат скоро идентични мотори како и минатата сезона.

vr46 jl99Изгледот на МотоГП моторите на Јамаха за 2016

Иако под пластиките не очекуваат големи промени, надворешниот изглед е задржан, можеби затоа што тимот посакува да ги повтори успесите од 2015 година. Во 2015 Лоренцо ја освои титулата, а Валентино Роси заврши на втората позиција со заостанување од 5 поени во генералниот пласман. Она што беше нај возбудлива сезона за фановите, за тимот беше и нај успешна, освен титулата кај возачите Јамаха ја обезбеди и титулата во конструкторите.

Лоренцо иако има право да вози со бројот 1, ќе го задржи карактеристичниот број 99 со црвена боја, додека пак Роси продолжува со препознатливата #46.

Моторите кои беа прикажани на презентацијата не се оние кои ќе ги возат Роси и Лоренцо на тестирањето во Сепанг, новите машини сеуште се во Јапонија, а денешните со нови оклопи всушност се тест моторите од Брно.

На прашањата до Лин Џарвис за неговите очекувања за 2016 тој дипломатски одговори дека секоја сезона за сите започнува со 0 поени, но дека сепак имаат големи очекувања имајќи ги во предвид возачите и тимот кој стои зад нив.

Навистина ја сакаме шестата тројна круна, знаеме дека ќе биде тешко бидејќи конкуренцијата не смее да се потцени, а секако тука се и промените во правилата. Имаме нови гуми, Мишелин наместо Бриџстоун, и нова електроника со единствен софтвер за сите. Ќе биде тешко, но ќе биде и многу интересно.- Лин Џарвис

Според Лоренцо на моторот му недостасува сила, но тој смета дека тоа ќе биде средено пред почетокот на сезоната, она што го загрижува е новата електроника. За Валентино Роси важна е „душата“ на М1, а таа според него, постојано е тука, само се префрла од еден мотор на друг.

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.