MotoGP: Фантастична победа за Роси во Силверстоун

Валентино Роси прикажа фантастично возење на Британското Гранд При, освојувајќи го првото место на дождливиот Силверстоун.

Валентино Роси прикажа фантастично возење на Британското Гранд При, освојувајќи го првото место на дождливиот Силверстоун.

Возбудувањата започнаа пред стартот на трката кога дождот почна да паѓа на Британската патека, а трката беше означена како сува. Тоа значеше дека сите возачи можеа да стартуваат со сликови, или да се одлучат за гуми за дожд но да стартуваат од боксот. Одлуката на сите беше да влезат во боксот и да ги заменат моторите, по што дирекцијата на трката одлучи да го одложи стартот и да ја намали трката на 20 кругови.

25 минути подоцна се беше подготвено за вториот старт, овој пат со мотоцикли адекватни на условите на патеката. Валентино Роси утрината веќе имаше најдобро време при тренингот на дожд, па не е ни чудно што иако стартуваше од четвртата позиција за кратко време се искачи на првата.

По стартот на трката Хорхе Лоренцо го започна водството, следен од Марк Маркез и Валентино Роси. Сепак Докторот за само еден круг успеа да го помине Маркез, а потоа да го започне нападот и на својот клубски колега. Позицијата на Роси беше загрозена се до 8 круга пред крајот кога Марк Маркез доживеа пад и за него трката заврши. По трката тој изјави дека иако не освоил ниту еден под сепак тоа било позитивно ускуство за него и добро било што знаат дека можат да се борат со Јамахите.

По падот на Маркез неверојатниот Данило Петручи се обиде да го стигне Роси, притоа повлекувајќи го третопласираниот Андреа Довициозо но возачот на Јамаха рутинирано ја зголеми предноста од 1,5 на 3 секунди и дојде до победа во Британија.

Лоренцо кој до почетокот на трката беше израмнет со Роси во генералниот пласман на првата позиција, во Силверстоун заврши на четвртата позиција. Имаше одличен старт, изби на чело од колоната но беше поминат од Маркез и Роси во вториот круг. Два круга подоцна се судрија со Пол Еспергаро но иако остана на патеката тој загуби драгоцено време во битката со првите двајца. Потоа Шпанецот имаше проблеми со визирот кој започна да се замаглува па ја изгуби и третата позиција која ја имаше, паѓајќи на шестото место зад Петручи, Довициозо и Педроса. До крајот тој успеа да се искачи на четвртата позиција, 5,7 секунди зад својот клубски колега.

Победата на Роси значеше негово 12-то искачување на подиумот оваа сезона, со што заслужено повторно се врати на врвот во генералниот пласман. Тој сега има 236 поени, зад него е Лоренцо со 224, а на третата позиција Маркез сега има 159 поени, само 9 повеќе од четврто пласираниот Андреа Јанон.