MotoGP

MotoGP: Алеш Еспаргаро потврди дека преговара со Aprilia

„Aprilia  е една од опциите. Исто така има уште две одлични опции во Супербајк категоријата,“ Алеш Еспаргаро

Следете нè на:

 

„Разочаран и вознемирен“ од Suzuki, Алеш Еспаргаро потврди дека преговара со други тимови за следната сезона.

Suzuki го изненади Еспаргаро откако одлучи да потпише договор со Андреа Јанон, кој ќе настапува на местото на Маверик Вињалес, а сега веројатно и ѕвездадата од Moto2 серијата, Алекс Ринс, ќе настапува со GSX-RR.

„Работиме на иднината,“изјави Еспаргаро. „Последниот натпреварувачки викенд беше тежок. Тогаш сфатив дека не сум толку важен за Suzuki колку што си мислев. Од трката во Муџело решивме да побараме друг тим. Ќе се обидам да отидам во тим кој што навистина ќе ме сака. За мене, тоа е најважното нешто.“

aleix espergarojАлеш Еспергаро

На прашањето дали од Suzuki му кажале дека нема место за него во тимот следната сезона, Еспаргаро одговори:

„Се уште не. Имам такво чувство. И покрај тоа што после шест трки сме на шестото место, со не толку голема разлика од Педроса кој се наоѓа на четвртото место, тие не покажуваат доволен интерес. Тоа навистина не ми се допаѓа. Вознемирен сум поради тоа. Затоа ги разгледуваме и другите опции.“

„Благодарен сум на Suzuki за можноста за прв пат да бидам фабрички возач, но повеќе сум вознемирен отколку лут бидејќи пред две години мотоциклот беше многу бавен. Тие работеа многу напорно но исто така и јас работев напорно. Го развивме мотоциклот, минатата сезона еднаш бевме први на стартот, а сега сме на шестото место во шампионатот. Мислам дека тоа и не е така лошо.“

„Сите знаат дека мој приоритет е да останам во Suzuki. Но тоа не зависи од мене. За тоа мора да одлучи Suzuki. Тие се голем бренд. Секако дека мора да го гледаат тоа што е најдобро за нив, а јас засекогаш ќе им бидам благодарен за двете фантастични сезони. Секако дека до крајот ќе се борам за место на подиумот и ќе уживам до крајот на сезоната, а за во иднина ќе видиме. Јас сум вознемирен и разочаран, но не сум лут.“

„Aprilia е една од опциите,“ изјави Еспаргаро. „Се уште не сме одлучиле. Се се случи многу брзо. Во Муџело почнавме да разговараме со други тимови. Има и две одлични опции во Супербајк категоријата.“

„Најважното нешто е дека ќе отидам во тим кој ќе покаже дека навистина ме посакува. Важно е да уживаш во животот и да бидеш среќен. И да, Aprilia е една од опциите.“

 

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.