MotoGP

Маркез: Научив многу работи од Довициозо

Марк Маркез се подготвува за првиот обид да ја освои Светската титула.

Следете нè на:

 

Марк Маркез се подготвува за првиот обид да ја освои Светската титула.

Те очекува важен викенд. Дали се уште се чувствуваш нервозен и возбуден како и првиот пат кога се бореше за титулата?

Маркез: Ова е голем викенд, различен викенд! Но ќе се обидам да имам ист пристап и ќе дадам 100%. Но сега остануваат само уште две трки од шампионатот. Секако дека имам предност но таа лесно може да се загуби. Не сакам самиот да си правам притисок дека морам да победам. Сакам тука да освојам поени и да се обидам да ја освојам титулата но тоа може да се направи и во Валенсија. Тоа ми е целта уште од самиот почеток на сезоната.

IMGP7710 copy

Малкумина очекуваа дека Андреа Довициозо ќе ти биде главен ривал. Што мислиш за него како возач и како твој конкурент?

Маркез: Различен возач, различен менталитет. Искрено многу работи научив од него. Секој возач, секој ривал е различен. Сите имаат предности и мани. Но Дови е навистина мирен и секогаш си ја завршува својата работа. На пример на трката во Австралија, иако направи неколку грешки, сепак продолжи да вози во свој стил.

Дали е потешка борбата за титулата со нов противник?

Маркез: Најтешкото нешто е кога се борите против некого кој нема толку голем притисок. Бидејќи ако Довициозо ја освои титулата, тоа би било одлична сезона. И ако заврши на второто место, сезоната повторно би била одлична, како за Дови така и за Ducati. На некој начин, јас можам да ја загубам титулата, а тој може само да победи.

Дали те интересира да видиш како функционира мотоциклот од последниот пат кога тестираше?

Маркез: Ме интересира да видам бидејќи мислам дека подобривме голем број на работи. Но и во текот на претсезоната не бевме толку лоши. Бев брз, имав добар ритам. Но исто така ова е патека на која во изминативе неколку сезони постојано имавме проблеми. Но ќе видиме како ќе се одвиваат работите оваа година. Исто така мораме да одлучиме и со каков сет ап ќе почнеме, дали со оној од претсезоната или пак со оној што го користиме сега. Електрониката е исто така променета и тука имаме голем напредок.

Зошто имаш проблеми на оваа патека? Дали поради одделни делови на патеката или пак во прашање е твојот стил на возење?

Маркез: Можеби проблемот е до стилот на возење. Неколку години имав добар настап тука но топлото време прави навистина да биде тешко за возење. А мојот агресивен стил на возење понекогаш не функционира тука. Исто така и сакам да притиснам повеќе и има поголем притисок врз пневматиците. Мислам дека треба да бидам малку помирен.

Дали имаш некакво предвидување за викендов?

Маркез: Знаете ли какво ќе биде времето? Невозможно е да се предвиди! Секако за мене главната цел е да се искачам на подиумот но не е битно на кое место ќе завршам.

motul makeodnija

Би можело да ве интересира

Тимот на КТМ го претстави новиот мотор со кој ќе се натпреварува во МотоГП шампионатот.

BMW Motorrad патентира нова технологија и планира да вгради „crumple zone “ кај мотоциклите со цел да се зголеми безбедноста на возачите.

Веднаш откако беше соопштено дека се откажува Формула 1 трката во Кина, многумина се загрижија дека би можело истото да се и се случи и на MotoGP трката во Тајланд.

Интервју со првиот човек на Dorna.

Со цена од 100 000 евра, LM 410 е најновата креација на екстремни машини кои ни доаѓаат од Лазарет.

После промените кои ги направија во текот на зимата, Алеш Еспаргаро вели дека Aprilia сега работи како голема екипа.

Реклами

Листа на мото настани

  • 22 Февруари 2020 - 22 Февруари 2020
  • Clubhouse 3313
  • Илинденска 138, Скопје

  • 14 Март 2020 - 14 Март 2020
  • Beertija Pub
  • Frederik Shopen 4, 1000 Skopje

  • 28 Март 2020 - 28 Март 2020
  • Bad Boys Bar
  • Кочани

  • 19 Јуни 2020 - 21 Јуни 2020
  • Club house
  • Скопје, Водно

Благодарност!

Ви благодариме за тоа што споделувате содржини и го поддржувате нашиот веб сајт.