Возачот на Хонда Репсол тимот во МотоГП шампионатот, Марк Маркез, забележа време од 2:02.485 кое беше за 0.169 делови од секундата подобро од она кое го забележа Хорхе Лоренцо.

Маркез со најдобар резултат на третиот тренинг на Силверстоун

Возачот на Хонда Репсол тимот во МотоГП шампионатот, Марк Маркез, забележа време од 2:02.485 кое беше за 0.169 делови од секундата подобро од она кое го забележа Хорхе Лоренцо.

Од почетокот на викендот во Британија, првиот тренинг му припадна на Маркез, но на вториот доминираше Лоренцо. Денеска повторно Маркез е во преден план, иако до крајот на денот треба да се вози четвртиот тренинг, а веднаш потоа и квалификациите за утрешната трка.

На денешниот прв тренинг трето време забележа Штефан Брадл, а на четвртата позиција се најде Алваро Баутиста кој го покажа својот потенцијал на последните неколку трки.

Четвртиот тренинг денеска е со почеток во 14.30, веднаш по него се првите квалификации, додека пак вторите, оние во кои се одредуваат почетните 12 позиции започнуваат во 15.35. Трката во недела започнува во 14.00 часот. Пренос од возбудувањата можете да следите на СпортКлуб каналот, а стриминг на http://www.sportcategory.com/c-10.html. Утрешните трки (СУпербајк и МотоГП) ќе се следат во живо и во GP Caffe.