Хорхе Лоренцо му ја врати предноста на Марк Маркез од првиот тренинг и покажа дека не треба да се потценува.

Хорхе Лоренцо забележа најбрзо време на вториот тренинг на патеката Силверстоун

Хорхе Лоренцо му ја врати предноста на Марк Маркез од првиот тренинг и покажа дека не треба да се потценува. На првиот тренинг возачот на Хонда беше побрз за 0.219 делови од секундата, а на денешниот втор тренинг, Лоренцо беше побрз од Маркез за 0.224 делови од секундата.

Двете десетинки предност на Лоренцо пред Маркез можеби и се разбирливи ако се знае дека Маркез последниот успех во Силверстоун го имаше пред три години во класата 125 кога забележа победа. Зад Маркез според времето се најде Дани Педроса, а Алваро Баутиста кој беше на пол позицијата на оваа патека во 2012 вториот тренинг го заврши со четврто време. 

Валентино Роси сеуште не се вбројува во играчите за подиумот според резултатите од тренинзите, вториот беше доволен за петото место, но има заостанување од 0.746 зад Лоренцо па Докторот е далеку од претендент за пол позицијата.

Weather Conditions:

Во сабота третиот тренинг започнува во 10.55, четвртиот тренинг е со почеток во 14.30, веднаш по него се првите квалификации, додека пак вторите, оние во кои се одредуваат почетните 12 позиции започнуваат во 15.35. Трката во недела започнува во 14.00 часот.