MotoGP

Лоренцо: Логично е да сум тажен, разочаран, загрижен

Хорхе Лоренцо даде искрена оценка после разочарувачкото дванаесето место кое го освои во Херез; „Во моментов сум во тешка состојба.“

Следете нè на:

 

Хорхе Лоренцо даде искрена оценка после разочарувачкото дванаесето место кое го освои во Херез; „Во моментов сум во тешка состојба.“

Хорхе Лоренцо даде искрена оценка после разочарувачката трка која ја имаше во Херез, потенцирајќи дека во моментов е логично да е тажен, разочаран и загрижен.

Трката во Херез, која му е е една од омилените на возачот кој доаѓа од Мајорка, требаше да биде местото преку кое тој ќе се врати во борбата за титулата. Во четвртокот тој пред новинарите изјави дека сите работи во моментов се позитивни и дека може да дојде до добар резултат после преминот во Honda.

Но, веднаш стана јасно дека тој не е компетитивен. Стартувајќи од 11-тото место, 32 годишниот возач за кусо време се најде на петнаесетата позиција. Сепак успеа да го подобри конечниот резултат поради несреќите кои ги доживеаа Фабио Куартараро, Џек Милер и Јоан Мир.

Lorenco txt 1 06 05

Она што можеби е најголемо разочарување за Лоренцо е фактот дека заврши две места послабо од тест возачот на Honda, Стефан Бредл, за кого ова беше прв настап во 2019 година.

„Очигледно е дека не можам да бидам среќен од трката“, изјави Лоренцо. „ Логично е да сум тажен, разочаран и загрижен. Но ќе продолжам да се борам. “

„Утре имаме важен тест на кој ќе пробаме многу работи. Се надеваме дека некои од тие работи ќе ни помогнат да ја подобриме брзината. Ова е тежок период за мене. Ќе останам позитивен бидејќи само тоа можам да го направам.“

„Дури и кога бев сам на тринаесетата и четиринаесетата позиција, немав добро темпо. Не се чувствував удобно на мотоциклот. Бев бавен и не бев доволно компетитивен.“

„На моето лице можете да видите дека не сум среќен. Има причина за тоа. Не сакам да има други трки како оваа денеска. Дадов се од себе но не можев да бидам побрз.“

„Не ми се допаѓа ситуацијата во која се наоѓам. Но јас сум шампион и ние се бориме до самиот кра,ј се додека не најдеме решение. А јас ќе најдам решение.“

Lorenco txt 2 06 05

Кои беа главните причини за бавното темпо? „Имам проблем при влегување во свиокот. Мотоциклот префрла премногу тежина на предниот дел. Мораме да најдеме решение на овој проблем. Исто така имаме проблем и со моторното сопирање или со шасијата. Се уште не можеме да откриеме каде е проблемот.“

„Поради ова не се чувствувам добро кога влегувам во свиоците. Губам многу време во споредба со Кал и Накагами и секако во однос на Марк. Се додека не го решиме овој проблем, нема да бидеме брзи.“

Разбирлива е моменталната состојба во која се наоѓа Лоренцо. Поминаа повеќе од осум месеци откако последен пат возеше без никаква пвреда. Токму тоа и го спречи да има повеќе настапи за време на зимската пауза.

Сепак вели дека адаптирањето на новиот стил на возење заедно со се подобрата физичка подготвеност, на крајот ќе резултира со добри настапи.

„Секако дека можам малку да го подобрам мојот настап. Секој пат кога возам, учам нови работи. Но и мотоциклот треба да ми даде нешто повеќе , да не се уморувам при сопирање. Треба да подобриме уште неколку работи бидејќи во моментов губам премногу од брзината.“

„Ситуацијата со повредата ми се подобрува и во моментов не чувствувам болка кога сум на мотоциклот. Но сепак се уште не можам да поминам подолг период во теретана и да вежбам. Но ќе повторам, има нешто на мотоциклот кое не можам да го разберам. “

На прашањето дали адаптацијата на мотоциклот на Honda е потешко во споредба со она пред две години, тој изјави: „Не знам. Има мотоцикли на кои веднаш штом ќе се качите се чувствувате самоуверено, но има и некои кои не се такви. Има возачи кои лесно се адаптираат но има и такви на кои адаптацијата им е потешка, на кои им треба повеќе време. Но штом еднаш ќе го научат мотоциклот, после тоа нема враќање назад. “

„Јас веројатно припаѓам на втората група. Го пропуштив тестот во Сепанг бидејќи осум месеци имав повреда. Мислам дека ми треба повеќе време и повеќе километри поминати со мотоциклот. Овие работи ќе ми дадат поголема брзина.“

motul makeodnija

Би можело да ве интересира

Марк Маркез вели дека е среќен што Романо Фенати повторно се бори за првото место.

Ова е мотоциклот со кој Џонатан Реа и Леон Хаслам победија на трката Suzuka 8-Hours.

Спортскиот директор на Ducati , Паоло Чиабати, ги објаснува причините зошто тимот за прв пат во својата историја се одлучи да настапи со четири мотоцикли кои имаат фабрички спецификации.

Тимскиот менаџер на Repsol Honda, Алберто Пуиг е среќен поради враќањето на патеката на Хорхе Лоренцо но не очекува тој да биде во врвна форма.

Листа на сите се познати договори кои возачи и тимовите ги имаат за 2020 година.

Лидерот на табелата Алекс Маркез ќе ја вози шестата сезона во Moto2 серијата.

Бидете информирани за сите новости директно на вашата е-маил адреса
Реклами

Листа на мото настани

  • 24 Август 2019 - 24 Август 2019
  • Сè уште непознато
  • Прилеп

  • 31 Август 2019 - 01 Септември 2019
  • Патека Плевен
  • Долна Митрополија, Бугарија

  • 07 Септември 2019 - 09 Септември 2019
  • Република Македонија

Благодарност!

Ви благодариме за тоа што споделувате содржини и го поддржувате нашиот веб сајт.