MotoGP

Лоренцо би можел да стане тест возач на Yamaha?

Откако Хорхе Лоренцо објави дека се повлекува од тркањето се појавија гласини дека би можел да стане тест возач на MotoGP тимот на Yamaha.

Следете нè на:

Откако Хорхе Лоренцо објави дека се повлекува од тркањето се појавија гласини дека би можел да стане тест возач на MotoGP тимот на Yamaha.

Хорхе Лоренцо можеби е само еден месец во пензија но веќе се појавија гласини дека ќе се врати во натпреварувањето. Минатата недела во изјава за медиумите тој напомена дека и во иднина ќе остане дел од трките а својата иднина ќе ја открие на почетокот на 2020 година кога и официјално му завршува договорот со HRC.

Неколку од опциите кои му стојат на располагање на поранешниот шампион е да биде тест возач, ТВ коментатор но и да стане дел од менаџментот на некоја екипа. Според Италијанската La Gazzetta dello Sport, Лоренцо би можел да стане тест возач на Yamaha.

А со оглед на успехот кој го има постигнато во минатото со овој тим, Шпанецот е одлична опција. Ваквата можност не ја отфрли ниту директорот на Yamaha, Лин Џарвис.

Откако ја прекинаа соработката со Јонас Фолгер, Yamaha покажа интерес за соработка со Јохан Зарко и планираа во 2020 година тој да биде нивни тест возач. Сепак, поранешниот Moto2 шампион одлучи да потпише договор со Avintia Ducati.

Актуелните тест возачи на Yamaha, Кацујуки Накасуга и Кота Нозане ќе тестираат за тимот на патеките во Јапонија и Европа.

„Заедно, сите во тимот донесовме одлука дека треба да ја прекинеме соработката со Јонас Фолгер“, изјави Џарвис во Валенсија. „Но ова не значи дека ќе имаме Јапонски тест возач, туку дека сметаме дека Фолгер не треба да биде дел од нашиот тим.“

„Потребен ни е брз возач, ќе ги разгледаме сите опции па ќе ја донесеме конечната одлука. Потребен ни е возач кој ќе ни дава прецизни податоци.“ Џарвис исто така ги објасни промените во тест програмата на Yamaha за сезоната 2020.

„Следната година ќе биде многу важна за нас бидејќи работиме на развој на одредена технологија“, вели Џарвис. „Минатата година забележавме дека тестовите кои ги правиме во Европа се разликуваат од оние во Јапонија. Затоа ни беше тешко да ги споредиме податоците.“

„Одлучивме да го задржиме истиот тест тим а Јапонската екипа ќе ги прави тестовите и во Европа.“

Lorenco txt 23 12

Откако Лоренцо објави дека се повлекува од натпреварувањето, Џарвис му оддаде признание на неговиот поранешен возач и изјави дека има одлични сеќавања од соработката за време на шампионските сезони, 2010, 2012 и 2015.

„Секако дека имаме одличен однос бидејќи заедно работевме девет години. Мислам дека е многу ретко еден тим да има толку долг договор со еден возач.“

„Тој ни се приклучи многу млад но веднаш покажа дека има потенцијал. Веќе во третата MotoGP трка стигна до победа а потао освои и три титули.“

Доколку Лоренцо премине во Yamaha, тој ќе биде вториот возач кој за само две години си заминува од HRC и преминува во директен конкурент. Минатата зима, Дани Педроса стана тест возач на КТМ.

Исто така постојат гласини и дека Лоренцо би можел да стане коментаторт на MotoGP трките.

motul makeodnija

Би можело да ве интересира

Патеката Брно ќе биде домаќин на четвртата рунда од МотоГП шампионатот, односно трета трка во најсилната ГП класа.

Во текот на вчерашнито ден на Марк Маркез му била извршена втора операција во болницата во Барселона.

Со денешното соопштение челниците на Дорна, ФИМ и ИРТА ставија крај на шпекулациите за годинешниот шампионат, отпаѓаат Аргентина, Тајланд и Малезија, а во календарот е додадена трка на 22 ноември на патека која дополнително ќе биде објавена но ќе биде во Европа.

Патеката Херез во Шпанија ќе биде домаќин и на втората трка во сезоната. Во продолжение следува распоредот за сите сесии.

Сезоната во брзински мотоциклизам требаше веќе да биде во полн ек, но заради пандемијата со вирусот исто како и во Светски рамки и локалните шампионати беа одложени. Разговараме со Хрситијан Бузалковски за актуелната состојба и неговите размислувања за претстојната сезона.

Africa Twin е одличен избор за сериозните оф роуд ентузијасти. Ако пак сакате подолга авантура, тогаш Africa Twin Adventure Sports ES моделите се одлична опција за вас со оглед на тоа дека имаат дополнителна опрема, електронски контролирана суспензија, прилагодливо ветробранско стакло, поголем резервоар за гориво и уште неколку други додатоци.

Реклами

Листа на мото настани

  • 19 Јуни 2020 - 21 Јуни 2020
  • Club house
  • Скопје, Водно

Благодарност!

Ви благодариме за тоа што споделувате содржини и го поддржувате нашиот веб сајт.