Тимот на Yamaha продолжува да дели награди по неодамнешната победа на трката „Suzuka 8-Hours.“ Алекс Ловс доби можност да настапи на Monster Yamaha Tech 3 MotoGP мотоциклот на неодамнешната Гран При трка која се оддржа во Велика Британија, а исто така ќе настапи и на трката која ќе се оддржи овој викенд во Сан Марино.

Тимот на Yamaha продолжува да дели награди по неодамнешната победа на трката „Suzuka 8-Hours.“ Алекс Ловс доби можност да настапи на Monster Yamaha Tech 3 MotoGP мотоциклот на неодамнешната Гран При трка која се оддржа во Велика Британија, а исто така ќе настапи и на трката која ќе се оддржи овој викенд во Сан Марино.

Следен добитник на подарок од тимот на Yamaha ќе биде тест возачот Кацујуки Накасуга, кој ќе има можност да настапи пред домашната публика на Јапонската Гран При трка која ќе се оддржи во Мотеги. Ова ќе биде петти пат како Накасуга настапува на оваа трка.

Тој досега неколкупати веќе ги заменуваше возачите на фабричкиот тим на Yamaha а во 2012 година, на трката во Валенсија,  успеа и да се искачи на подиумот. Накасуга тогаш настапи како замена за Бен Спајс.

Јапонскиот возач беше дел од тимот кој и донесе две победи на Yamaha на трката „Suzuka 8-Hours “, нешто што е од особена важност за Јапонскиот производител.  Веруваме дека ќе има одличен прием како од Јапонската публика така и од останатите возачи.

„Минатата сезона го подобрив мојот најдобар резултат на трката во Јапонија и успеав да докажам дека има голем напредок кај мене и кај YZR-M1. Оваа година повторно ќе настапам со M1. На ова гледам како шанса да покажам што знам и да ги тестирам моите вештини против најдобрите светски возачи. Минатата сезона имав борба против моите колеги од трката „ Suzuka 8-Hours,“ Пол Еспаргаро и Бредли Смит.  Оваа година имам за цел да бидам во позиција повторно да се борам против нив.  Дојдете и дадете ни ја вашата поддршка на трката,“ изјави Накасуга.