MotoGP

Јанон: Оваа година имаме добри шанси

Андреа Јанон на патеката во Сепанг не се обиде да постави најбрз круг, наместо тоа повеќе се фокусираше на темпото

Следете нè на:

 

Последниот ден од тестовите во Сепанг на италијанскиот возач Андреа Јанон му покажаа дека мотоциклот на Suzuki, GSX-RR, може да остане во одлична кондиција во текот на целата трка.

Наместо да брка најдобро време со меки пневматици, Јанон работеше на темпото во обид уште повеќе да го подобри електронскиот пакет на Suzuki.

janon sepang

Денот го заврши со десетто најдобро време со заостанување од 0,667 секунди зад лидерот Маверик Вињалес. Но сепак, времето кое го постигна во вторникот му овозможи на крајот да се најде на второто место во генералниот пласман.

„Овие три дена поминаа добро,“ изјави Италијанецот. „Многу сум среќен поради вчера. Тогаш возевме малку побрзо и сакавме да постигнеме добар резултат.“

„Денеска не ги употребивме новите пневматици за да го подобриме времето кое го постигнавме. Повеќе се фокусиравме на темпото и се подобривме во таа област. Многу сум среќен бидејќи ова денеска ни беше приоритет. Со мали промени, денеска подобривме многу работи.“

„Секако дека сакаме да ја подобриме електрониката. Но мислам дека имаме добра шанса, добар потенцијал со овој пакет.“

Јанон забележа вибрации на предното тркало кои предизвика проблеми кај бавните свиоци. Признава дека треба да работат на овој проблем во следните неколку недели.

„Имав мала вибрација во бавните свиоци. На брзите свиоци мотоциклот е перфектен. Нема никакви вибрации ниту пак тресење.“

„Кога се случува вакво нешто мотоциклот е многу тежок за контролирање. Мислам дека вчера пробавме некои работи кои помогнаа во овој дел.“

„Денеска за жал не можевме да продолжиме да ги користиме. Но ќе ги имаме за време на целиот тест во Австралија и во текот на целата година.“

Во однос на темпото кое го имаше на последниот ден, Јанон вели дека многу работи сугерираат дека ќе има интересна борба оваа сезона.

„Беше во ред. Имавме добро темпо со веќе употребените пневматици. Не се споредував со останатите возачи но мислам дека на сите трки ќе бидеме некаде на врвот.“

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.