MotoGP

Роси: Ќе има интересна борба во 2017 година

Валентино Роси смета дека финалните резултати од тестот во Сепанг покажуваат дека ќе има многу изедначена сезона

Следете нè на:

 

Валентино Роси смета дека ќе има многу изедначена борба во новата сезона откако шест од најдобрите возачи имаа заостанување од само 0,26 секунди во однос на Маверик Вињалес кој го постигна најдоброто време на тестот кој се одржа во средата.

Италијанецот во средата го имаше петтото најбрзо време, 1 минута и 59.5 секунди. Според Роси, резултатот воопшто не бил лош со оглед на временските услови во Малезија.

Во текот на трите дена, Роси тестираше голем број на нови делови, вклучувајќи нова шасија и додатоци кои во поголем случај донесоа позитивни резултати.

Сепак, во однос на резултатите кои ги постигнаа неговите конкуренти, особено Маверик Вињалес и возачите на Repsol Honda и Ducati, Роси смета дека треба да се биде внимателен.

rossi 17 1a

„На крајот тестот беше позитивен бидејќи времето кое го извозев по круг беше добро,“ изјави Роси кој се жалеше на главоболка.

„Моето финално време од 1 минута и 59.5 секунди не е толку лошо. Многу сме блиску. Најдовме неколку добри работи на мотоциклот. Особено попладнево повеќе работевме на новата шасија и морам да признаам дека чувството е добро. На крајот најдовме нешто што можеме да го подобриме.“

„Ова беше напорен тест бидејќи беше многу долг но најдовме некои позитивни работи. Поголемиот дел од новите работи се добри. Проблемот е во тоа што првите возачи се многу блиску и многу брзи. Во секој поглед. Мислам дека ќе има многу изедначена борба.“

Роси не сакаше да даде конкретен одговор на прашањето кои се позитивните работи кај новите додатоци и новата шасија на Yamaha.

„Искрено, нема голема разлика, но ми се допаѓа. Исто така е и многу убава.“

„Ги пробав и новите пневматици но и кај нив нема некоја голема разлика.“

На првиот ден од тестовите Роси заврши на осмото место, на вториот ден беше четврти, а последниот ден од тестирањето го заврши на петото место. Сето ова ни сугерира дека тој повторно ќе се бори за титулата.

Би можело да ве интересира

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.