Историја за Априлија во трка исполнета со проблеми со гумите

Марко Безеки ја отвори сезоната 2026 со убедлива победа на Бурирам, носејќи ѝ историски триумф на Априлија во трка што ја обележаа проблеми со гумите и неколку драматични моменти.

Италијанецот се рехабилитираше по падот од водство во саботниот Спринт и во неделната трка немаше вистинска конкуренција – водеше од старт до цел и победи со повеќе од пет секунди разлика. Со оваа победа, по двете во финишот на 2025, Безеки и Априлија стигнаа до серија од три последователни победи – рекорд и за возачот и за производителот.

Зад него, Педро Акоста го зграби второто место, иако долго време изгледаше дека таму сигурно оди Раул Фернандез. Возачот на Тракхаус Априлија во средниот дел имаше над две секунди предност, но падна со темпото во финишот и мораше да се задоволи со третото место.

Акоста му се доближи на Фернандез со Марк Маркез зад себе, по дуелот во кој претходно беше вклучен и Хорхе Мартин. Клучниот момент се случи кога Маркез излета пошироко во свиокот 4 и доби оштетување на фелната – што значеше крај на неговата трка.

Мартин на крајот заврши четврти, а Аи Огура ја комплетираше фантастичната доминација на Априлија со петто место (четири Априлии во топ-5). Најдобар Дукати беше оној на Фабио Ди Џианантонио на шестото место – и тоа беше првата трка од Силверстоун 2021 во која Дукати нема мотор на подиумот.

Во продолжение следуваат комплетните резултати: