MotoGP

50 победи за Маркез во премиерната класа

Актуелниот шампион имаше уште еден извонреден настап и стигна до нова победа на патеката во Брно. На подиумот му се приклучија Довициозо и Милер.

Следете нè на:

 

Актуелниот шампион имаше уште еден извонреден настап и стигна до нова победа на патеката во Брно. На подиумот му се приклучија Довициозо и Милер.

Марк Маркез стигна до уште една импресивна победа на патеката во Чешка. Трката ја одбележа силнит дожд кој го одложи стартот . За Андреа Довициозо, кој заврши на второто место, ова беше петти подиум оваа сезона. За Џек Милер пак ова беше второ искачување на подиумот во 2019 година. Воедно тој беше и најдобриот независен возач.

 DSC5341

После паузата поради дождот, Маркез беше возачот кој ја презеде лидерската позиција а Довициозо се најде на второто место. На почетокот на трката видовме борба меѓу четворица возачи, Маркез, Довициозо, Ринс и Милер кои за кусо време направија предност од една секунда во однос на Пол Еспаргаро и Валентино Роси. Како што се одвиваше трката, првите четворица возачи беа навистина изедначени а разликата меѓу нив изнесуваше само 0.8 секунди. А бидејќи патеката се уште не беше целосно исушена, возачите не сакаа премногу да ризикуваат.

 DSC4144

Во меѓувреме, Роси успеа да го претекне Еспаргаро а кратко време потоа истото го направи и Кратчлоу. Но тогаш разликата со најдобрите возачи веќе беше околу четири секунди. На десет круга до крајот на трката, Маркез притисна повеќе и разликата со Довициозо изнесуваше половина секунда.  Милер, кој беше на четвртото место, веќе заостануваше 1.5 секунди. Иако Довициозо во еден момент се обиде да го претекне Маркез, сепак еден круг подоцна разликата меѓу првите двајца возачи изнесуваше една секунда.

 DSC4252

До крајот на трката единствено остана борбата за второто и третото место меѓу Довициозо, Ринс и Милер. Ринс се обиде да дојде до второто место но веднаш се соочи со обид за освојување и на неговата позиција.

На два круга до крајот Милер се обиде да го претекне Ринс но возачот на Suzuki успеа да се одбрани. Сепак, неколку секунди подоцна, во свиокот број пет Милер успеа да дојде до третото место откако веќе стана јасно дека Ринс има проблем со пневматиците. Во тој момент Маркез веќе успеа да стигне до шестата победа оваа сезона. Сега предноста во однос на Довициозо изнесува 63 поени. Италијанецот пак успеа да се искачи на подиумот за прв пат после трката во Муџело.

 DSC4524

Зад Ринс, на четвртото место беше Кратчлоу кој заостануваше само 1.2 секунди. Роси заврши на шестото место и ова за него беше најдобар настап после трката во Ле Ман.  Дебитантот Фабио Куартараро беше седми, на осмото место се најде Данило Петручи а девети беше Такааки Накагами. Иако имаше лош старт на трката, Вињалес на крајот сепак дојде до десетото место.

 DSC4549

Пол Еспаргаро ја освои единаесетата позиција и заврши пред возачот на Pramac Ducati, Франческо Бањаиа. Мигел Оливеира го освои тринаесетото а Јоан Зарко четиринаесетото. Замената за Хорхе Лоренцо во тимот на Honda, Стефан Брадл го освои последното место кое носи поени.

 DSC5134

Хафиз Сиахрин предвреме ја заврши трката откако излета надвор од патеката во седмиот круг а трката не ја завршија ниту Франко Морбидели и Јоан Мир, кои излетаа надвор од патеката уште во првиот круг.

 DSC5164

На следната трка која се вози на патеката во Австрија за една недела, возачите ќе се обидат да го спречат Маркез да стигне до 51-та победа во кариерата. Но претходно, го имаме тестот во Брно.

Марк Маркез: „Бев концентриран уште од самиот старт на трката бидејќи имаше неколку влажни делови на патеката. Возав внимателно иако знаев дека зад мене се возачите на Yamaha кои имаа добар настап за време на квалификациите. На десет круга до крајот одлучив да притиснам повеќе и да направам поголема разлика. Ова беше одличен викенд за Repsol Honda. Сите бевме внимателни и прецизни и тоа ми помогна да стигнам до победата.“

 DSC4024

motul makeodnija

Би можело да ве интересира

Марк Маркез вели дека е среќен што Романо Фенати повторно се бори за првото место.

Ова е мотоциклот со кој Џонатан Реа и Леон Хаслам победија на трката Suzuka 8-Hours.

Спортскиот директор на Ducati , Паоло Чиабати, ги објаснува причините зошто тимот за прв пат во својата историја се одлучи да настапи со четири мотоцикли кои имаат фабрички спецификации.

Тимскиот менаџер на Repsol Honda, Алберто Пуиг е среќен поради враќањето на патеката на Хорхе Лоренцо но не очекува тој да биде во врвна форма.

Листа на сите се познати договори кои возачи и тимовите ги имаат за 2020 година.

Лидерот на табелата Алекс Маркез ќе ја вози шестата сезона во Moto2 серијата.

Бидете информирани за сите новости директно на вашата е-маил адреса
Реклами

Листа на мото настани

  • 24 Август 2019 - 24 Август 2019
  • Сè уште непознато
  • Прилеп

  • 31 Август 2019 - 01 Септември 2019
  • Патека Плевен
  • Долна Митрополија, Бугарија

  • 07 Септември 2019 - 09 Септември 2019
  • Република Македонија

Благодарност!

Ви благодариме за тоа што споделувате содржини и го поддржувате нашиот веб сајт.