По видеото кое неодамна го објави, Triumph денеска ни ги откри Speed Triple S и RS верзиите. Двата модели се надополнување на одличниот баланс, моќ и управување кое го имаат основните верзии.

Како што можевте да очекувате, најголемите подобрувања се направени кај моторот. Новата генерација на Speed Triple S и RS се опремени со „inline-three“ агрегат кој има дури 105 нови делови кои обезбедуваат поголемо моќност како и линеарна распределба на таа моќност.

Максималната моќност достигнува 150 коњски сили додека пак бројот на вртежи достигнува 117 Nm. Ова беше постигнато со помош на новите послесни носачи, алуминиумските цилиндри, редизајнираните глави на цилиндрите како и пренасочениот систем за проток на гориво.

triumph reveals new speed triple s and rs models 4

Редизајнираниот мотор сега е директно поврзан со издувот и со тоа се добива подобар звук како и подобри перформанси. Подобрениот менувач пак ви нуди поголем комфорт додека возите.

Новите модели ја задржаа препознатливата единечна вилушка која ја имаше кај претходната генерација. Покрај ова, моделот ги задржа и „Pirelli Diablo Supercorsa“ пневматиците како и предните диск сопирачки (Brembo 4-клипни M4.34).

И двата модели имаат целосно прилагодлива суспензија која може да се намести во зависност од тоа дали возите низ град или на тркачка патека. Самиот дизајн на мотоциклите исто така не беше заборавен и тие сега доаѓаат со нови бандажи, издуви со типичен тркачки стил, елегантен резервоар за гориво како и двојно седиште. Меѓу стандардните додатоци се и 5 инчниот TFT панел, четири режими на возење како и темпомат.

Triumph Speed Triple S е опремен и со целосно прилагодлива 43 mm USD Showa вилушка како и ABS сопирачки за да се зголеми безбедноста. Моделот RS пак има оптимизирани ABS сопирачки, контрола на тракцијата и се пали без клуч. Тој е исто така и три килограми полесен.

Back To Top