Како што се приближува дебито на Harley-Davidson Pan America 1250 така се повеќе се појавуваат информации за овој модел.

Според првите информации, оваа машина ќе има прифатлива цена која според производителот ќе изнесува 17 илјади долари.  Дури и со сите додатоци, не веруваме дека неговата цена би можела да се искачи над 20 илјади долари, што го прави достапен овој луксузен авантуристички модел.

Според  цената, 2021 Harley-Davidson Pan America 1250 ќе биде изедначен со неговите Европски ривали. Можеме да очекуваме оваа машина да ги има типичните луксузни додатоци како што се електронската суспензија, навигација како и многу други помагала за возачите.

Од компанијата се уште не ги откриваат точните спецификации на мотоциклот само велат дека ќе има повеќе од 145hp / 90 lbs ft of torque.

Веќе го имаме видено ова и затоа можеме да очекуваме бројките да се движат помеѓу 155hp и 160hp.

Со ова, Pan America ќе биде некаде на исто ниво со KTM 1290 Adventure S и Ducati Multistrada V4. Најдобар во однос на шасијата е BMW R1250GS и можеме да очекуваме дека Harley-Davidson ќе се обиде во секој сегмент да го надмине овој модел. Тоа би значело и намалување на тежината и можеме да очекуваме новиот мотоцикл да има околу 220 килограми.

Секако, најважниот елемент кај Harley-Davidson Pan America 1250 не можеме да го најдеме кај спецификациите.

Не е никаква тајна дека освен на крузер моделите , на компанијата слабо и оди продажбата. По што ќе се разликува овој нов модел?  Дали возачите кои претходно не биле заинтересирани за Harley сега ќе го променат мислењето? Дали првите луѓе на компанијата ќе успеат да привлечат нови возачи?

Како што знаеме да кажеме, само времето ќе покаже.