AT се враќа со два нови модели, повисока цена и нова боја.

Honda Africa Twin оваа година ни пристигнува со два нови модели од нејзината линија, стандардниот Africa Twin CRF1000L и Africa Twin ‘Adventure Sports’ CRF1000L2.  Авантуристичко-Спортскиот модел беше претставен минатата година и донесе неколку подобрувања кај стандардниот Africa Twin. Покрај ова, и стандардниот Africa Twin има неколку промени.

Иако не се најавени никакви механички промени за 2019 година, Honda претстави две нови бои. Стандардниот Africa Twin сега ни доаѓа во темно сина-бела-црвена комбинација или пак во црна боја. И двете верзии имаат бандаши кои имаат златна боја. Кај Adventure Sports моделите пак имате само една светло –металик, сива комбинација. Овој модел исто така има и бела рамка како и бандаши во златна боја.

2019 Africa Twin и Africa Twin Adventure Sports делат иста полу-челична рамка која обезбедува одлични оф роуд перформанси. Кај секој од моделите растојанието меѓу тркалата изнесува 155 сантиметри. Adventure Sports верзијата има тежина од 241 килограм додега пак стандардниот модел е тежок 229 килограми. Adventure Sports моделот има 45mm Showa cartridge-type inverted вилушка која нуди одлични перформанси при подолги релации.

Целата Africa Twin платформа користи „Throttle By Wire (TBW) “ систем кој има четири режими на возење како и „Honda Selectable Torque Control “ систем. Користењето на TBW нуди широк спектар на опции за подобро управување со моторот како и тракцијата на задното тркало. Системот има седум нивоа. Првото ниво помага при агресивно оф роуд возење со „ block-pattern “ пневматици додека пак седмото ниво дава максимална безбедност при возење на влажна и лизгава површина. Доколку сакате можете да го исклучите системот а покрај тоа имате и три нивоа на моќност и моторно сопирање.

За подолго оф роуд возење, седиштето кај Adventure Sports е порамно во споредба со стандардната верзија и е повисоко за 3 сантиметри. За да се израмни положбата и рачките за возење се кренати за 3 сантиметри.Исто така, тие се наместени поблиску до вас за да имате исправена положба додека возите.

Искрени на нивното оф роуд наследство, моделите на Africa Twin имаат предни и задни тркала со големина од 53 односно 45 сантиметар.На нив можете да ставите пневматици со димензии од 90/90-21 и 150/70-18.

Цената за сите 2019 Honda Africa Twin модели е зголемена за 100 долари за стандардната трансмисија и 200 долари за DCT верзиите. Очекувајте ги во продавниците да пристигнат во ноември.