MV Agusta преку проектот Lucky Explorer влегува во популарната Adventure категорија!
Порано швајцувањето имаше неколку значења како на пример заварување на 2 парчиња метал, но и палење на следна цигара од онаа која што се пуши во моментот. Никако не ја поддржуваме оваа вторава лоша навика, но мора да признаеме дека не потсеќа на едни малку поопшутени времиња. Барем нас малку повозрасните...
Како и да е, во тие времиња токму тутунските гиганти ги поддржуваа мотоспортовите во огромен дел и беа асоцијација за возбуда и слободен дух. Па така се сеќаваме на тркачките Marlboro (ако не смее да се рекламираат цигари тогаш нека пишува црвено белите) Ducatti, Rothmans (сино-белите) Honda, или пак на Lucky Strike (зелено-црвената на бела основа) Cagiva Elefant Desert. Токму последната легенда е инспирација за студијата на MV Agusta која сака да влезе во неверојатно популарната Adveture категорија.
Рецептот е познат. Паралелен двоцилиндричен мотор од 550 cm³ (кај моделот 5.5) погоден за висок вртежен момент на ниски вртежи, долг од на амортизерите за надминување на сите препреки на асфалтот (шахтите во Македонија) и песочните дини на Дакар, како и исправената позиција за седење за изминување на неколку стотици километри одеднаш.
Кај е една таму се и две промоција, па MV веднаш ќе понуди и помоќна варијанта 9.5 која ќе се нуди со троцилиндричен реден мотор од 930 cm³, придруженa со сите неопходни модификации на остатокот од мотоциклот за справување со поголемата моќ на моторот. Тука се и веќе вообичаените скапи материјали, опцискиот полуавтоматски менувач и богатата опрема, но главниот адут е секако емоцијата која ја буди оклопот на овој Adventure!
Да сме здрави и живи и да дочекаме проектот Lucky Explorer да се материјализира, за да го пробаме во живо и да се запознаеме подобро и да споделиме импресии!
Автор: Ниџо Николовски
