После три сезони во кои љубителите на соголени мотоцикли беа во исчекување, Honda ги претстави моделот CB500F за 2016 година на саемот EICMA кое се оддржа во Милано. И другиот модел за 2016 година, CBR500R, исто така претрпе неколку промени.
После три сезони во кои љубителите на соголени мотоцикли беа во исчекување, Honda ги претстави моделот CB500F за 2016 година на саемот EICMA кое се оддржа во Милано. И другиот модел за 2016 година, CBR500R, исто така претрпе неколку промени.
Моделот CB500F има малку повеќе мускулест изглед. Во подобрените делови е вклучено LED светло, напред и позади, како и подобар издувен вентил. Резервоарот за гориво е поголем, а вилушката може да се прилагодува. Моделот CB500F доаѓа заедно со прилагодлива предна сопирачка, алуминиумски држачи за нозете и подобрена трансмисија, тврдат од Honda.
Овој мотоцикл се уште го има 471cc DOHC моторот, кој може да произведе 47bhp. Рамката останува непроменета. CB500F ќе биде достапен во шест бои.
Другиот модел, CBR500R, исто така е подобрен. Претставен во 2013 година, овој мотоцикл има малку поинаков изглед. Од Honda, ја нарекуваат оваа филозофија на дизајнот „Агресивна брзина“, која има спортски, остар преден дел со LED светла, и краток, малку подигнат заден дел. На овој модел нема никакви промени во однос на моторот, рамката и сопирачките, што значи дека го има истиот 471cc мотор. Моделот за 2016 година е опремен со LED светла, поголем резервоар за гориво, прилагодлива предна вилушка и редизајниран издув.