MK мотоциклисти на меѓународни трки

Нашите мотоциклисти викендов ќе настапат на втората рунда од БМУ Европскиот шампионат

Претстојниов викенд на патеката „Моторпарк Романиа“ во Романија нашите возачи ќе настапат на втората рунда од БМУ Европскиот шампионат во брзински мотоциклизам.

Следете нè на:

 

Претстојниов викенд на патеката „Моторпарк Романиа“ во Романија нашите возачи ќе настапат на втората рунда од БМУ Европскиот шампионат во брзински мотоциклизам.

По успешната прва рунда во која нашите претставници се закитија со повеќе пехари, на ред е втората рунда од престижното натпреварување. Како и во Грција, на програмата повторно е двојна трка, една во сабота и другата во недела. 

imgp0428Бузалковски на подиумот во Грција

Во класата SP125 ќе настапи Христијан Бузалковски (МК Ендуро Тим - Водно). Бузалковски имаше одличен старт на сезоната откако во Серес освои едно второ и едно трето место. Мотоциклот на Бузалковски е подобрен во однос на минатата година што беше очигледно на првата трка но сеуште не е доволно брз за да ја следи водечката Жулиета Ленкова (Бугарија). На првата трка тој извозе одлично, а на втората трка иако имаше проблем со менувачот во моментот додека беше на втората позиција, на крајот успеа да финишира како третопласиран. Бузалковски покажа дека е од вистински тркачки ков и доколку продолжи со ваквите настапи му претстои светла иднина.

Во класата F1000 Македонија има дури тројца претставници, Слободан Ивчески - Цобо (МК Сакамото), Игор Спиров - Зизи (МК Ендуро Тим - Водно) и возачот од Србија кој настапува со наша лиценца, Драженко Тинтор (МК Мотори).

imgp0180Слободан Ивчески - Цобо

Слободан Ивчески - Цобо имаше фантастичен старт на сезоната откако освои две втори места на првите две трки. Тој прикажа борбеност на трката каква не сме виделе одамна, на двете трки се бореше рамноправно и рамо до рамо со водечкиот Калојан Ангелов од Бугарија. Тој на моменти излегуваше и како водечки на трката но на крајот мораше да се задоволи со втората позиција. По две освоени втори места тој се наоѓа на втората позиција во генералниот пласман.

imgp9861Игор Спиров - Зизи

Игор Спиров - Зизи на најдобар можен начин ја продолжи кариерата во класата F1000. Тој до минатата година се натпреваруваше во класата F600, а откако се поднови со мотоциклот Aprilia RSV4 оваа сезона ја започна во големата класа. На првата трка тој го забележа четвртото место, а на втората до неколку кругови пред крајот од трката беше убедливо на третот место се до малата грешка која на крајот му го донесе петтото место. Во конкуренција од 19 возачи во генералниот пласман по првите две трки тој се наоѓа во топ 5 возачи што претставува огромен успех за него.

За галеријата од првата рунда кликнете овде.

imgp0156Драженко Тинтор (МК Мотори)

Драженко Тинтор донесе голем број на бодови освојувајќи две трети места во првата рунда. Возеше одлично и благодарение на својот успех сега се наоѓа на третата позиција во генералниот пласман. Викендов тој ќе ги продолжи настапите за мото клубот Мотори и ќе се обиде да го повтори или подобри успехот од првата рунда.

Трките се одржуваат по истиот распоред како и во Серес, тренинзите се во петок, а квалификациите и по една трка во сабота и недела. Следете не за известувања и фотографии во живо од Романија.

Би можело да ве интересира

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Драго ми е што прашавте. 138! Претходната верзија, четири-цилиндричната Honda CBR600, според компанијата имаше нешто помалку од 130 коњски сили.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.