MK мотоциклисти на меѓународни трки

Источно Европски шампионат во Плевен - викенд за паметење

Викендов на патеката Плевен во Бугарија се возеше последната рунда од Источно Европскиот шампионат во брзински мотоциклизам и супермото на кој настапија четворица натпреварувачи од Македонија.

Следете нè на:

 

pleven eec 2015 83Одличен викенд за нашите тркачи

Викендов на патеката Плевен во Бугарија се возеше последната рунда од Источно Европскиот шампионат во брзински мотоциклизам и супермото на кој настапија четворица натпреварувачи од Македонија.

Пеколните температури на стазата во Плевен не ги поколебаа нашите возачи, сите го дадоа својот максимум и прикажаа одлично возење што резултираше со два пехари за возачите и два за нашиот национален тим. 

Во класата SP 125 Христијан Бузалковски го освои третото место со што го запечати и пехарот во генералниот пласман на Источно Европскиот шампионат. Бузалковски прикажа одлично возење во конкуренција на 10 возачи, иако ова е негова прва сезона во меѓународна конкуренција тој покажа дека има потенцијал за големи успеси во иднина. Солидното и конзистентно возење во текот на целата сезона му го донесе третото место во генералниот пласман во конкуренција на 16 возачи.

kiko pobeda plevenПочесен круг со македонско знаме во Плевен

Во класата F600 Игор Спиров прикажа возење за почит. Тој во конкуренција на 17 возачи заврши на 4-та позиција, со мало заостанување зад третопласираниот Тодор Меченски од Бугарија. Спиров стартуваше на трката од шестата позиција за која се избори на саботните квалификации. Конкуренцијата беше огромна, иако се работи за мотоцикли кои се далеку по спремни од оној на Спиров, нашиот натпреварувач не попушти во ниеден момент и прокнижа 13 бодови од трката во Бугарија.

pleven eec 2015 338Спиров во елемент

Во супермото Македонија имаше двајца претставници, Слободан Ивчески во класата SM-Open и Јове Иванов во SM-S3. За Иванов ова беше прва трка во меѓународна конкуренција, тој успешно ги заврши двете трки и покрај проблемите со мотоциклот. Иако беше шести на двете трки, важно за него е дека не се откажа и прокнижа 30 бодови на своето конто.

Слободан Ивчески прикажа фантастично возење, двете трки ги заврши на третата позиција и на крајот сосема заслужено се враќа дома со пехар од Плевен. Големата конкуренција како да беше мотив повеќе за Цобо, тој потсети на најдобрите денови од својата долгогодишна кариера и прокнижа 40 бодови во генералниот пласман. 

pleven eec 2015 131Ивчески на најдобар начин ја заврши сезоната

Во екипна конкуренција МФМА благодарение на успехот на возачите кои отпатуваа во Плевен се закити со два пехари, еден за второ и еден за трето место во Тим А и Тим Б.

Целата галерија од трките може да се погледне на: https://www.facebook.com/media/set/?set=a.10153568464715330.1073742005.58083050329&type=3

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.