MK мотоциклисти на меѓународни трки

Илиоски стигна до 24 место!!!

motori Ilioski_86Нашиот најдобар мотокрос натпреварувач Христиан Илиоски во рамките на шестиот натпревар од Светскиот шампионат во мотокрос за 2012 година кој се одржа на 9 и 10 јуни на патеката во Орахова Вас, Словенија успеа во првата трка да стигне до 24 место.

Следете нè на:

 

 Ilioski 86

Нашиот најдобар мотокрос натпреварувач Христиан Илиоски во рамките на шестиот натпревар од Светскиот шампионат во мотокрос за 2012 година кој се одржа на 9 и 10 јуни на патеката во Орахова Вас, Словенија успеа во првата трка да стигне до 24 место.

За време на саботните тренинзи времето беше убаво додека саботното попладне и неделниот ден не им беа наклонети на учесниците. Постојаните врнежи од дожд и калта на патеката им задаваа многу маки на мотокросистите. Претставникот на Мотоциклистичката федерација на Македонија во својот втор настап сезонава во квалификациската трка го освои 34 место од 40 натпреварувачи. Најбрз беше домашниот натпреварувач Матевж Ирт, пред Австријците Матијас Валкнер и Михаел Стауфер.

Во првата неделна трка Илиоски успеа да се пробие за дури 10 места и на крајот да го заземе одличното 24 место што е најголем успех за наш натпреварувач во натпревари од Светскиот шампионат не само во мотокрос туку воопшто во сите мотоциклистички дисциплини. Во второто возење тој стигна до 32 место.

И во двете возења убедливо победи Словенецот Клемен Герчар и оствари севкупна победа на домашното Гран при со максимални 50 бодови. Неговиот сонародник Ирт беше втор во првото возење, но со петтото место во второто возење го расипа пласманот и не обезбеди место на подиумот. Вкупно втор беше Валкнер и со нови 40 бодови го задржа првото место во генералниот пласман. Валкнер сега води со освоени 226 бодови од 6 натпревари пред уште еден Австриец, Гинтер Шмидингер со 198 бодови. На третото место се проби Герчар со 192 бодови.

Според утврдениот план Илиоски до крајот на сезоната ќе настапи на уште 2 трки. Следен на програмата е натпреварот во Словачка на 1 јули, а тој ќе настапи и на последното Грна при за оваа година предвидено за 23 септември во Германија.

Би можело да ве интересира

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.