Нашиот натпреварува во класата SP125 на Источно Европскиот Шампионат во брзински мотоциклизам, викендов на патеката Плевен во Бугарија го освои третото место.
Нашиот натпреварува во класата SP125 на Источно Европскиот Шампионат во брзински мотоциклизам, викендов на патеката Плевен во Бугарија го освои третото место.
Четвртата рунда од ИЕШ шампионатот ја одбележи Бузалковски (МК Мотори) кој беше единствен наш натпреварувач во класата SP125, а неговите конкуренти од Македонија, Аргетим Рамадани и Марин Сугарев не отпатуваа во Бугарија. Во оваа класа во конкуренција на 10 мотори тој успеа да се искачи на подиумот и придонесе за успехот на репрезентацијата на Македонија која исто така во конкуренција на тимови го зема пехарот за третото место.
Се на се, ова беше одличен викенд за мене, го освоив третото место и сум навистина задоволен со оглед на условите. Мотоциклот со кој се натпреварувам беше видливо послаб во однос на конкурентите при крајната брзина па морав да го дадам максимумот за да се вратам со пехар од Плевен. Напредував добро во однос на претходната трка и во однос на првиот тренинг, успеав да го намалам времето за 1,5 секунда што е одличен успех за мене и се надевам на подобри успеси во иднина - изјави Бузалковски за мотори.ком.мк
Во генералниот пласман сега тој е на четвртата позиција, 2 бода зад Аргетим Рамадани, а следната трка се вози во Романија на 23 август. До крајот на шампионатот треба да се вози уште една трка, на 20 семптември на патеката Плевен во Бугарија.
Во класата F600 Мотоциклистичката Федерација на Македонија имаше еден свој претставник, Игор Спиров - Зизи (МК Гого) кој за жал немаше најдобар викенд. Спиров кој сме навикнати да го гледаме во предниот дел од колоната едноставно немаше свој викенд, тој на квалификациите се избори за 11-та позиција, со време од 1:44 иако сме го следеле на истата патека со времиња кои се на долната граница од 1:40. За Спиров кој ја заврши трката на 10-та позиција ова дефинитивно е викенд кој ќе сака да го заборави и да се сконцентрира на следните трки од шампионатот.
