Малопродажната цена на бензините ноќеска на полноќ поскапува за два денари за литар, дизелот и екстралесното за половина денар, додека цената на килограм мазут се зголемува за 1,5 денари..

Малопродажната цена на бензините ноќеска на полноќ поскапува за два денари за литар, дизелот и екстралесното за половина денар, додека цената на килограм мазут се зголемува за 1,5 денари.

Ваква одлука денеска донесе Регулаторната комисија за енергетика, на редовната седница посветена на корекција на цените на нафтените деривати.

Согласно одлуката, литар Еуросупер БС-95 ќе се продава за 86 денари, а литар Еуросупер БС-98 по рекордни 87,5 денари.

Новата цена на литар Еуродизелот изнесува 75 денари, на Есктралесното масло за домаќинство 63,5 денари, додека цената на килограм мазут М-1 НС изнесува 49,389 денари.

Со најновото поскапување, цената на нафтените деривати во Македонија достигна историско високо ниво, откако пред само две недели горивата поскапеа по три денари за литар.

Извор: Кајгана