Занимливости

Kawasaki ни претстави ново видео за стар концепт на футуристички мотоцикл

Видеото започнува со претставување на производите на Kawasaki, односно едно лице како вози спортски модел во тунел. Но кога возачот излегува од тунелот, тој го вози концептот Ј.

Следете нè на:

 

Во 2013 година, за време на Мото шоуто во Токио, Kawasaki ни го претстави радикалниот концепт наречен „Ј“. Овој футуристички концепт, има четири тркала и може да ја смени рамката во зависност од условите во кои го возите. Ви треба поголема стабилност кога сте на автопат? Концептот се издолжува. Сакате да го возите низ град? Неговите тркала се шират за подобро управување.

kawasaki eicma2014 004

Чудно, нели. И ние мислевме така, а концептот за кусо време се заборави. Низ годините, од време на време тој повторно ќе се појавеше и ќе не изненадеше. Но не беше ништо посебно, само уште еден интересен концепт.

kawasaki eicma2014 005

Но пред неколку дена, на нашата е-маил адреса се појави едно видео кое ни го прати Kawasaki. Тоа е всушност промотивен материјал кој го содржи концептот Ј. И повторно не изненади. Видеото започнува со претставување на производите на Kawasaki, односно едно лице како вози спортски модел во тунел. Но кога возачот излегува од тунелот, тој го вози концептот Ј. Потоа има неколку футуристични сцени како на пример, соларна фарма, и голем број на интересни ефекти кои го претставуваат концептот. Сето тоа е надополнето со наратор кој ни кажува колку само е добар Kawasaki.

kawasaki eicma2014 007

Видеото завршува откако ни ги претставува „Upright“ и „Attack“ режимите. И толку. Нема никакви дополнителни информации. Не ни кажува дали ќе пристигне наскоро или дали можете да го нарачате кај вашиот продавач. Само обично видео за еден интересен концепт. Тоа е се во ред, но само се прашувам зошто? Зошто Kawasaki ни праќа вакво видео после четири години откако за прв пат дебитираше овој концепт. Дали инжинерите на компанијата работат на овој проект? Дали наскоро тој ќе се појави во продажба? Дали Kawasaki само сака да не потсети колку се тие добри? Тешко е да се каже, но ако нешто дознаеме, бидете сигурни дека вие први ќе дознаете.

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.