WSBK

WSBK: Победи за Реа и Хаслам во првата рунда

Трките од првата рунда во Супербајк шампионатот донесоа многу возбудувања, на првата трка победа забележа Џонатан Реа на Кавасаки, втор беше Леон Хаслам (Априлија), а Чаз Дејвис (Дукати) беше трет. Втората трка му припадна на Леон Хаслам, кој успеа да победи пред Џонатан Реа, а трет повторно беше Чаз Дејвис.

Следете нè на:

 

race1 33c1038 fullВозбудувањата во Супербајк шампионатот започнаа

Трките од првата рунда во Супербајк шампионатот донесоа многу возбудувања, на првата трка победа забележа Џонатан Реа на Кавасаки, втор беше Леон Хаслам (Априлија), а Чаз Дејвис (Дукати) беше трет. Втората трка му припадна на Леон Хаслам, кој успеа да победи пред Џонатан Реа, а трет повторно беше Чаз Дејвис.

За Џонатан Реа ова не можеше да биде подобар викенд, новиот човек на Кавасаки забележа победа на првата трка и второ место на втората трка во која само 0.010 секунди го делеа од првата позиција.

 33c8211 fullЏонатан Реа со фантастично деби за Кавасаки, една победа и едно второ место

Леон Хаслам не само што ја забележа победата на втората трка за себе, туку тоа беше и одличен успех за тимот на Априлија за кого Хаслам ја донесе 50-та победа. За Хаслам ова е одличен успех имајќи во предвид дека неговата последна победа беше на патеката Кјалами во 2010 година.

00859 p1 01 wsbk fullФантастична рунда за Хасла, на Априлија им ја донесе 50-та победа, а за себе првата по 2010 година

Забележително возење имаше шампионот од Суперспорт Михаел ван дер Марк кој сега вози за тимот на Хонда, тој во првата трка го помина Том Сајкс за четвртата позиција на самиот старт, за жал потоа излета од патеката но успеа да се врати на 10-та позиција, за на крајот да финишира како 5-ти. Во втората трка тој изби на чело на колоната, возеше солидна трка се до 19-от круг кога како четвртопласиран излета од патеката.

Трој Бејлис немаше среќа во втората трка, иако успеа да се искачи до седмата позиција, трикратниот светски првак мораше да влезе во боксот за промена на предната гума, што на крајот му ја донесе само 16-та позиција. 

Алекс Ловс на Сузуки од кого се очекуваше многу немаше среќа, во првата трка возеше просечна трка и на крајот заврши како деветти, додека пак во втората заради проблеми со моторот се повлече во боксот во вториот круг.

Том Сајкс првата трка ја заврши на шестата позиција, а втората на четвртата што во генералниот пласман му ја донесе четвртата позиција со заостанување од 22 бода зад водечките.

00181 p1 01 fullСајкс не се покажа во вистинско светло на почетната трка

По првата рунда во генералниот пласман Леон Хаслам е водечки со 45 бода, исто толку има и Џонатан Реа, трет е Чаз Дејвис со 32, четврти е Сајкс со 23 бода, а петти е Силван Гинтоли со 20.

Следната трка се вози на 22 март во Тајланд, на патеката Чанг Таи.

Би можело да ве интересира

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Алекс Ринс, Јоан Мир и Силвиан Гинтоли го искористија последиот MotoGP тест за да го намалат бројот на нови елементи кои ќе бидат дел од GSX-RR со кој ќе настапуваат следната сезона.

„На Дани Педроса ќе му треба дополнителен простор за багаж на патот назад од Јапонија“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.