WSBK

Том Сајкс: „Новите правила за моторот се комплетна глупост“

Том Сајкс смета дека новите правила за моторот се комплетна глупост, бидејќи поради нив ќе мора да има поинаков стил на возење.

Следете нè на:

 

Том Сајкс смета дека новите правила за моторот се комплетна глупост, бидејќи поради нив ќе мора да има поинаков стил на возење.

Според новите правила, моторите во WSBK класата ќе мора да имаат „balancing shaft“ што пак значи дека новиот мотоцикл на Kawasaki, ZX-10R, ќе има поинакви карактеристики.

Сајкс смета дека овие промени ќе преставуваат голем проблем за него.

sykes winter test

„Би рекол дека мојот стил на возење е повеќе тркачки. Секогаш сакам остро да влезам и да излезам од свиокот. Со сите овие промени на правилата ќе морам многу да се прилагодам и токму тоа се обидов да го направам во Арагон.“

„Мислам дека тука постигнавме мал напредок. Ќе продолжиме да работиме, но една работа е сигурна. Правилата постојано се менуваат. Мислам дека кога луѓето велат дека шампионатот треба да биде евтин, а правилата постојано се менуваат, не разбираат дека тоа не го прави евтин бидејќи мора да се бара алтернатива. “

„Разочаран сум во однос на тоа во кој правец се менуваат правилата, дека акумулаторите мора да се заменат со генератори. Тоа влијае на она што сакам да го направам со мотоциклот. Ќе се обидам најмногу што можам да бидам компетитивен. Веќе го почнавме тоа во Арагон.“

„Во суштина, тоа е една голема глупост и малку е разочарувачки бидејќи со тоа ќе ми се намалат перформансите. “

„Луѓето можат да кажат што сакаат, но во однос на тоа како возев со мотоциклот, сега сум далеку од тоа. Можам цел ден да ви зборувам, но, таква е ситуацијата и ќе се обидеме да дадеме се од себе.“

Во однос на тоа како досега се одвиваа тестовите додаде: „Да бидам искрен, добри се. Денеска беше прилично мирно. Во однос на перформансите не беше многу добро но сакавме да испробаме некои работи и ги искористивме лошите временски услови за да го направиме тоа.“

„Ако во следните неколку дена временските услови се добри ќе испробаме други работи. Во основа, блиску сме до мотоциклот за следната сезона. Работиме и тестираме колку што можеме повеќе. Шасијата е слична, но моторот е малку потежок.“ 

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.