WSBK

Реа повторно ја искачи Хонда на пиедесталот

Џонатан Реа успеа да дојде до победа на првата Супербајк трка која викендов се возеше на патеката Силверстоун во Велика Британија.

Следете нè на:

 

8958 R09 Silverstone GB49521Соло финиш на првата трка за Џонатан Реа

Џонатан Реа успеа да дојде до победа на првата Супербајк трка која викендов се возеше на патеката Силверстоун во Велика Британија.

Лошите временски услови си го направија своето, па така дождот кој започна да паѓа на половина од трката, иако беше со слаб интензитет целосно го промени текот на трката.

Том Сајкс кој беше на чело на колоната како да се парализираше на првите капки дожд, откако беше истакнато белото знаме започнаа калкулациите на возачите околу тоа кој ќе влезе во боксот, но Сајкс е оној кој загуби најмногу. Од првата позиција за само неколку круга успеа да падне на деветото место, на крајот да финишира како 11-ти, препуштајки му ја водечката позиција на Џонатан Реа.

Возачот на Хонда покажа дека знае како да се снајде на патеката при лоши временски услови, носејќи ја првата победа во сезоната за тимот на Пата Хонда. За Реа ова е 11 победа во кариерата, но прва по победата на Донингтон Парк минатата година.

Променливото време придонесе и за неколку промени на челната позиција, но на крајот Реа беше човекот кој се искачи на највисокото место на подиумот. Зад него финишираше Лаверти од тимот на Априлија, а на третото место се најде Леон Камиер од тимот на Сузуки, со што се комплетираше комплетно британскиот подиум.

Лорис Баз имаше одлично возење и во првите кругови кога започнаа капките од дожд го замени својот клубски колега на првата позиција, но кога започна да се суши патеката, се покажаа возачките способности на останатит возачи од кои Баз беше за нијанса послаб, освојувајќи го петтото место.

1. Rea (Honda) 17 круга/100.334км за 37'16.058 со просек од 161.535 км/ч;
2. Laverty (Aprilia) 3.073;
3. Camier (Suzuki) 3.480;
4. Guintoli (Aprilia) 3.608;
5. Baz (Kawasaki) 4.140;
6. Cluzel (Suzuki) 5.659;
7. Haslam (Honda) 6.443;
8. Badovini (Ducati) 10.544;
9. Melandri (BMW) 14.017;
10. Davies (BMW) 14.167;
11. Sykes (Kawasaki) 14.180;
12. Neukirchner (Ducati) 26.536;
13. Checa (Ducati) 43.561;
14. Fabrizio (Aprilia) 46.373;
15. Aitchison (Kawasaki) 1'33.624;
16. Sandi (Kawasaki) 1 круг;
17. Iannuzzo (BMW) 2 круга;
Без пласман: Giugliano (Aprilia).

За оние кои ја пропуштија трката, во продолжение видео од целиот настан:

 

Би можело да ве интересира

„Ќе биде подобро за сите, секако тука е и Moto2 серијата, доколку го имаат овој нов стил на возење - Moto2 се доближи еден чекор поблиску до MotoGP  со новиот 765cc Triumph мотор“

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.