WSBK

Баутиста го изедначи рекордот на Хадсон

Алваро Баутиста го изедначи рекордот на Нил Хадсон од девет победи по ред на стартот на Светскиот Супербајк шампионат.

Следете нè на:

 

Алваро Баутиста го изедначи рекордот на Нил Хадсон од девет победи по ред на стартот од Светскиот Супербајк шампионат и успеа да дојде до трет хет трик од победи. Џонатан Реа го освои второто место а Чез Дејвис беше трет.

Возачот на Aruba.it Racing Ducati имаше уште еден импресивен настап по претходните две победи на патеката во Арагон. Тој стартуваше од пол позицијата и остана на првото место до самиот крај.

Со деветата победа по ред, Баутиста го изедначи рекордот на Хадсон кој беше постигнат во 2003 година. Оваа победа е исто така и 350-та за тимот на Ducati во серијата.

Реа беше дел од уште една долга борба за втората позиција, овој пат со неговиот тимски колега Леон Хаслам и со возачите на Pata Yamaha, Алекс Ловс и Дејвис.Тој добро го испланира времето и успеа сите тројца ривали да ги претекне во последните неколку круга.

Bautista Aragon Txt 08 04

Во последниот круг, актуелниот шампион успеа да го натера Дејвис да направи грешка и да го претекне.

Дејвис, кој се најде на третото место успеа да се одбрани од нападите на Хаслам а Ловс трката ја заврши на петата позиција.

Јуџин Лаверти ги надмина фрустрациите од првата трка и успеа да стигне до шестото место а веднаш зад него беше возачот на Pedercini Kawasaki, Жорди Торес. Мајкл ван дер Марк од последните редови на табелата успеа да дојде до осмото место. На деветото место беше возачот на Barni Ducati, Мајкл Рубен Риналди.

Сандро Кортезе и неговата GRT Yamaha ги заокружи првите десет позиции а веднаш зад него беше неговиот тимски колега, Марко Меландри. Том Сајкс не успеа да го повтори настапот кој го имаше на првата трка и заврши на дванаесетото место.

Леон Камиер и Moriwaki-Althea Honda го освоија тринаесетото место а Маркус Рајтенберг (BMW) и Риучи Кијонари (Honda) ги комплетираа местата кои носат поени.

Поради механички проблеми, Алесандро Делбианко (Honda) и Торпак Разгатлиоглу (Puccetti Kawasaki) не успеаа да ја завршат трката. Поради повреда на зглобот, Леандро Меркадо (Orelac Kawasaki) ги пропушти и двете трки во неделата.

motul makeodnija

Би можело да ве интересира

За само 18 месеци имаме нова поправка на патеката во Силверстоун.

Понекогаш треба да побараш нешто од универзумот за тој да ти ја исполни желбата.

Kawasaki објавија детали од нивната оф роуд линија на мотоцикли за сезоната 2020.

Ако мислевте дека новиот авантуристички мотоцикл на КТМ е убав тогаш што мислите за новата 790 Adventure R Rally верзија?

Маверик Вињалес смета дека Хорхе Лоренцо следната трка треба да ја почне од последниот ред. „Изгледаше како почетничка грешка а тој е неколкукратен шампион.“

Андреа Довициозо го прифати извинувањето на Хорхе Лоренцо но сепак е разочаран од резултатот на неделната трка. Смета дека Лоренцо треба да добие казна.

Бидете информирани за сите новости директно на вашата е-маил адреса
Реклами

Листа на мото настани

  • 28 Јуни 2019 - 29 Јуни 2019
  • Gradski Bazen Kumanovo
  • bul.Oktomvriska Revolucija, 1300 Kumanovo

  • 28 Јуни 2019 - 29 Јуни 2019
  • Clubhouse 3313
  • Илинденска 138, Скопје

  • 26 Јули 2019 - 28 Јули 2019
  • Клубски дом
  • Планина Плачковица

  • 10 Август 2019 - 10 Август 2019
  • Сè уште непознато
  • Битола

  • 24 Август 2019 - 24 Август 2019
  • Сè уште непознато
  • Прилеп

Благодарност!

Ви благодариме за тоа што споделувате содржини и го поддржувате нашиот веб сајт.