Вести од светот

KTM сака да го купи Ducati

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Следете нè на:

 

Последниот обид на првите луѓе на Германската компанија беше неуспешен но сега се појавија гласини дека првиот човек на КТМ, Стефан Пиерер е заинтересиран за Ducati. Во интервју за „Speedweek “, Пиерер изрази интерес да го додаде Ducati во својата колекција на мотоцикли и откри некои идеи како тие би се вклопиле во целокупната стратегија на КТМ.

Неговите размислувања, мораме да признаеме се интересни.

Ваквата идеја доаѓа од желбата на Пиерер до крајот на 2020 година да го направи КТМ трет најголем мото бренд во светот, веднаш зад Honda и Yamaha.

Со повеќе од 265 илјади продадени мотоцикли секоја година, КТМ е една од само неколкуте компании кои имаат пораст. На пазарот во САД, КТМ е само дел од компании кои забележале раст на приходите.

Овој раст не го вклучува успехот кој компанијата го постигна со брендот Husqvarna кој пак се препороди под менаџмент на Пиерер и КТМ. Но што значи ова за Ducati?

Пред се тоа ќе биде компанија која се разбира во бизнисот со мотоцикли и нема да мисли само на профитот. Но, во интервјуто за Speedweek, Пиерер даде некои интересни коментари.

„Ми стана јасно дека автомобилската индустрија многу често има пионерска улога во однос на индустријата за мотоцикли. Кога групацијата Volkswagen,  со сите свои брендови, ја разви стратегијата, ова го видов како еден вид на модел по кој треба да се движиме. “  

ducati ktm 3

„Денеска, моторите и шасиите се креираат речиси идетично за двата бренда(КТМ и Husqvarna), но ние не работиме еден против друг. Сега можеме да понудиме два модели изработени под еден покрив а со тоа ќе го зголемиме и бројот на потрошувачи.“

Тешко е да се оспори дека оваа стратегија не функционира за двата бренда, но дали тоа значи дека во оваа комбинација ќе биде додаден и Ducati? Дали моторот на Ducati ќе се најде на КТМ и обратно? Тешко е да се види како KTM , Husqvarna и Ducati би делеле иста платформа без да ги загубат своите препознатливи карактеристики.

„Ducati е Ferrari во светот на мотоциклите,“ продолжи Пиерер. „Секако, таков бренд да биде дел од нашата групација би било навистина интересно. Не се работи за цената туку за поентата: кога сите ќе ја разберат ситуацијата во која се наоѓаат.“

Ситуацијата на која мисли Пиерер е промената на глобалната клима како и се поголемите предизвици со кои се соочуваат компаниите да бидат во согласност со строгите правила за емисија на штетни гасови.

Тој исто така мисли и на новата светска мапа која повеќе не ги фаворизира земјите од Западна Европа и наместо тоа сега е ориентирана кон Индија, Кина и Југо-Источна Азија.

Прашањето кое сега се поставува е како бренд каков што е Ducati се соочува со оваа нова реалност. Како Пиерер планира да ги внесе КТМ и Husqvarna во овој нов свет за мотоциклите.

Дали одговорот е еден голем конгломерат? Само времето ќе покаже.  Се до тогаш, сигурни сме дека ќе има навистина интересни разговори во канцелариите на Volkswagen.

Би можело да ве интересира

Сега откако пред-сезонските програми веќе се финализирани и се знаат целите за сезоната 2019, разгледавме што му е потребно на секој тим во сезоната која претстои. За време на заедничката прес конференција на сите тимски менаџери, секој од шефовите на екипите откри какви им се приоритетите во текот на зимските тестови.

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.