„Ќе добие награда секој оној кој ќе открие што е тоа“
Веќе добро е познато дека производителите на мотоцикли испраќаат големи соопштенија до медиумите, но всушност, во нив кажуваат многу малку. Нешто слично како и соопштението кое стигна до нашата канцеларија. Kawasaki ќе го претстави „Rideology“ концептот за време на трката од WSB шампионатот во Асен.
Но што всушност претставува концептот „Rideology“ ? Да видиме дали вие можете да откриете, бидејќи ние не успеавме.
Еве еден извадок од соопштението.
„Моќта и изгледот се првото нешто од принципите на Rideology. Импресивните машини кои ги имаат двете работи, како што се моделот од 1969, H1 500, Z1 900 од почетокот на седумдесетите години и GPz900R од 1984 година. Во модерната ера, фамилијата ZZR е позната по моќта и изгледот, а Ninja ZX-10RR доминира на патеките ширум светот. “
„Вториот принцип е дека секој модел на Kawasaki треба да биде забавен за возење. Тоа во комбинација со моќта и изгледот нуди уникатно искуство. На овие две принципи се додава и третиот принцип кој претставува одлучувачки аспект и кој дава поддршка за целосниот потенцијал на KHI групата.“
Џонатан Реа: „Rideology е збор кој за мотоциклистот значи многу различни аспекти од целокупното искуство – моќта, забавата при возењето, задоволството. За мене најважно е задоволството но постојат многу други карактеристики кај Rideology. Можам да го искористам овој збор за да го опишам искуството кое го имам кога го возам ZX-10RR. Ова е одличен збор за да се опише чувството кога возите на вашиот мотоцикл.“
Том Сајкс зборувајќи за својот Ninja H2R изјави: „За мене Rideology, со оглед на тоа дека настапувам за Kawasaki веќе неколку години, е збор кој сумира три различни значења. Сум возел многу мотоцикли на Kawasaki; вклучувајќи го неверојатниот Ninja H2R. Секако дека станав многу приврзан до сите машини. Kawasaki отсекогаш бил познат по производство на брзи мотоцикли и навистина моќни машини. Rideology ја опишува комбинацијата на брзина и моќност заедно со лесниот начин на возење. Оваа комбинација досега ни донесе неколку титули и тоа ми претставува големо задоволство.“