Вести од светот

Јапонски возач го урна рекордот за возење мотоцикл на едно тркало

Масури Абе го урна рекордот откако помина 500 километри или речиси 13 часа возејќи на едно тркало. И тоа го направи на 125cc скутер.

Следете нè на:

 

Ако мислевте дека рекордот што го постигна Даги Лампкин минатата година беше тежок, тогаш возачот кој го направи ова сигурно има надприродна моќ.

Минатата година Даги стана првиот човек кој ја помина целата патека на Isle of Man TT возејќи на едно тркало. Тоа го направи со Vertigo Ice Hell 300 кој беше само малку променет.

japanese rider smashes 500 km wheelie world record 117493 1

Сепак, на патеката Кавагучи во Јапонија, Масури Абе го урна рекордот откако помина 500 километри или речиси 13 часа возејќи на едно тркало. И тоа го направи на 125cc скутер.

Иако патеката имаше овален облик, Абе возеше со брзина од 40 километри на час. Тој помина точно 39.2 километри во првиот час од возењето. После два часа возење Абе почна да чувствува болки во грбот и мораше да земе апчиња за да ја намали болката. Сето тоа го направи додека возеше.

После 8 часа и 18 минути, тој успеа да го урне претходниот рекорд кој изнесуваше 331 километар и кој беше поставен од страна на Јасујуки Кудо. Во знак на победа тој ја крена левата рака што предизвика силни овации кај публиката.

Но после 12 часа возење тој почна да се жали на неподносливи болки и сакаше да запре со возење. Болката постепено се зголемуваше и после еден час Абе го спушти предното тркало. Поминатите 500.5332 километри беа сосема доволни да го добие прекарот „Крал на возењето на едно тркало“.

„Ако не возев подолго од она што мислев дека ми е лимит, тогаш некој друг ќе го направеше тоа,“ изјави Абе. „Мислев дека ако се обидувам да го урнам рекордот ќе морам да го направам тоа на начин на кој сите ќе останат без зборови. Болката која ја почувствував беше неверојатна. Досега немав искусено нешто слично. И двете раце ми беа укочени од болка и воопшто не ги чувствував. Почна да ми се мати и видот. Бев само делумно свесен и комплетно дехидриран.“

Неговата првична цел беше да помине 600 километри но сепак и овој негов рекорд сигурно ќе се задржи со години.

Би можело да ве интересира

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Првите луѓе на Светскиот Супербајк шампионат ги потврдија драстичните промени на структурата на серијата кои ќе започнат од 2019 година.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.