Вести од светот

Дали ќе има помала верзија на Africa Twin?

Во суштина, ваквата информација не е големо изненадување бидејќи ако можеме да судиме според неодамнешното EICMA шоу во Милано, производителите на мотоцикли во моментов се навистина заинтересирани за оваа категорија во авантуристичкиот сегмент.

Следете нè на:

 

Магазинот MCN има интересна приказна во моментов, односно, Honda размислува да направи „middleweight“ верзија на  Africa Twin. Но, во суштина, ваквата информација не е големо изненадување бидејќи ако можеме да судиме според неодамнешното EICMA шоу во Милано, производителите на мотоцикли во моментов се навистина заинтересирани за оваа категорија во авантуристичкиот сегмент.

2016 Honda Africa Twin CRF1000L price

Доколку ја погледнете линијата мотоцикли на Honda, веднаш можете да забележите дека на компанијата и недостасува нешто за да може да се носи со мотоцикли како што се BMW F850GS, Triumph Tiger 800, а наскоро и KTM 790 Adventure и Yamaha Terere 700.

Наменета за оф роуд возење, Honda Africa Twin можеби не е најдобриот туринг мотоцикл на пазарот но сепак се наоѓа на самиот врв според своите можности. Според ова, полесна и поевтина верзија на Africa Twin би можела да биде голем хит.

Секако, правењето на ваква машина воопшто не е лесна работа како што неодамна веќе изјави Кенџи Морита, проект лидер на Africa Twin.

Во разговор за MCN, Морита изјави дека Honda ја имаат забележано разликата и дека планираат да направат нешто во врска со тоа. Но со оглед на тоа дека е потребно доста време за да се развие нов мотоцикл, не треба да се надеваме дека наскоро ќе видиме мини авантуристички мотоцикли од Honda.

Вообичаено, кога станува збор за нов модел, потребни се помеѓу три и пет години за да се стигне од идеја до реализација. Работата тука е во тоа дека ако од Honda во моментов само размислуваат да преземат нешто во врска со тој проблем, не треба да се надеваме дека ќе видиме некаква промена пред 2020 година. Како ќе изгледа пазарот на авантуристички мотоцикли следната декада не можеме да знаеме, но во моментов можеме да забележиме дека се случуваат одредени промени.

Мотоциклите како што е KTM 790 Adventure се главни во оф роуд категоријата, а исто така тие се полесни, имаат поголема моќност како и најнова технологија. Ако Honda сака да влезе во оваа категорија, тогаш ова се минималните услови кои мора да ги исполни. Но реалноста е дека бројот на овие услови во иднина сигурно ќе се зголеми.

Извор: MCN

Би можело да ве интересира

Зборувајќи за Crash.net, Скот Рединг открива која е единствената работа за која жали што не ја направил за време на неговиот  11 годишен престој во Гран При трките:  Губењето на титулата во Moto2  серијата во 2013 година.

„Некои луѓе ни се смеат и мислат дека направивме голема грешка.Но ова е само почеток“ - Ерв Поншарал зборува за новата Tech3 KTM MotoGP ера

Откако загуби 20 минути за време на шестата етапа, се чинеше дека заврши сонот на Сем Сандерленд да го повтори успехот од сезоната 2017. Сепак, откако успеа да стигне до победа на седмата етапа, тој повторно се врати во игра за првата позиција.

Шефот на Suzuki, Давиде Бривио вели дека губењето на концесијата била главната цел на Suzuki минатата година. Предупредува дека следната сезона ќе има поголем притисок.

MotoGP сезоната 2019 претставува нов почеток за возачот на Petronas Yamaha, Франко Морбидели. Поранешниот Moto2 шампион премина од тешката за возење Marc VDS RC213V машина на фабричката Yamaha која треба да биде иста со онаа која ја има неговиот ментор и менаџер, Валентино Роси.

Драго ми е што прашавте. 138! Претходната верзија, четири-цилиндричната Honda CBR600, според компанијата имаше нешто помалку од 130 коњски сили.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.