Тестови

Наш тест: Metzeler Racetec K3

racetec_k0_k1_k2_shadow_m_solata-300.jpgRecetec K3 е серија на гуми која произлезе како наследник на Metzeler Racetec K0, K1 и К2. Разликата од овие модели до К3 е тоа што гумата од самата фабрика е квалификувана како гума за возење на градски асфалт, но со перформанси на гума за на стаза.

Следете нè на:

 

racetec_k0_k1_k2_shadow_m_solata-300.jpg Recetec K3 е серија на гуми која произлезе како наследник на Metzeler Racetec K0, K1 и К2. Разликата од овие модели до К3 е тоа што гумата од самата фабрика е квалификувана како гума за возење на градски асфалт, но со карактеристики на гума за на тркачка стаза.

Веќе првиот поглед на гумата ни го открива тркачкиот дух во неа и перформансите кои можат да се очекуваат. Страните на гумите се без никакви шари, што гарантира перформанси слични на слик гума при возење под максимален агол. Средишниот дел го краси истата шара како и кај K0, K1 и K2. При дизајнот на гумите производителот се погрижил за перфектен контакт во суви временски услови, па за стабилноста и нема потреба да дискутираме премногу.
Како и секоја гума која одлично "држи", се појавуваат стандардните проблеми со брзото трошење. Доколку се земе просек од агресивно но и нормално возење, со еден сет гуми ќе поминете 6-7.000км.

Мал но забележителен детал - Racetec K3Мал но забележителен детал - Racetec K3


Гумите функционираат беспрекорно кога се загреани, но, немојте ни да помислите да им верувате додека се ладни. Ова веројатно е единствената негативна страна, но исто како и побрзото трошење од стандардни гуми, се должи на перформансите кои гумите ги имаат кога се возат на идеални услови, на топол асфалт и добро загреани.

Metzeler е бренд кој е познат во светски рамкиПри полна работна температура, гумите имаат неверојатни карактеристики. Наглото кочење и забрзување, како и влегувањето и излегувањето од кривина со голема брзина го поднесуваат без никаков проблем, па возачот може да го покаже целиот свој потенцијал знаејќи дека има гуми на кои може да им верува.

Во услови на мокар асфалт и дожд, потребно е да бидете екстра внимателни. Racetec К3 не се гуми со кои ќе можете да ги покажете вашите способности кога ќе заврне, што е и нормално за гума која нема никаква шара на 5цм од краевите на гумата. Возењето на овие гуми со брзина поголема од 80км/ч во дождливи услови е опасно дури и за најискусните возачи.

Во однос на цената, К3 не се евтини гуми, но народски кажано - колку пари, толку музика. Плаќате гуми легални за возење низ градските улици со карактеристики на гума за на стаза, а сепак цената им е пониска од класичните тркачки гуми.

Возењето под максимален агол на навалување не е никаков проблем за K3 Важен податок за возачите кои сакаат да го добијат максимумот од своите гуми, е дека тие не прегреваат дури ни по повеќечасовно возење. Немавме можност да ги возиме на стаза, но по повеќечасовно агресивно возење гумата ги задржа истите одлични перформанси и карактеристики кои ги имаше пред почетокот на тестот.

Ова значи дека и покрај тоа што K3 е квалификувана како градска гума, нема да погрешите во ниеден момент доколку ја употребите на стаза.

Гумите за тестирање беа позајмени од MotoProm, каде можат да се купат по цена од  170 евра за предна гума со димензија 120/70 ZR 17 и 215 евра за задна гума со димензија 190/50 ZR 17.

За крај, ја препорачуваме Metzeler Racetec K3 на сите спортски возачи, кои бараат одлични перформанси од гумите, а притоа не им е важно со еден сет на гуми да поминат 15.000км. 

Tомислав Трајковски
Оваа е-адреса е заштитена од спамботови. Треба да ви е овозможено JavaScript за да ја видите.

Би можело да ве интересира

Со оглед на тоа дека веќе е во тек првиот MotoGP тест за сезоната 2019, денеска на патеката во Валенсија видовме неколку возачи кои за прв пат ги носеа боите на своите нови тимови. Прв на листата беше новиот возач на Honda, Хорхе Лоренцо.

„Многу често победите на трките на издржливост, без разлика дали станува збор за превозни средства на две или на четири тркала, се постигнуваат во гаражите. Поради ова, прецизно извршената замена можеби е најважниот елемент од една трка.“

Маверик Вињалес постигна најдобро време на тестот кој се оддржа веднаш по трката во Валенсија. Возачот на Yamaha кој настапи со новиот модел М1, беше за речиси половина секунда побрз од актуелниот шампион Марк Маркез. Успешен ден имаше и вториот возач на тимот, Валентино Роси кој заврши на третата позиција. Актуелниот Moto2 Светски Шампион, Пеко Бањаиа беше најдобар помеѓу дебитантите и заврши на единаесетата позиција наспатувајќи со Pramac Ducati.

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.