Австралиецот Тоби Прајс победи на Релито Дакар 2019. 31 годишниот возач ги надмина сите очекувања откако целото рели го возеше со повреда на раката. Ова е втора победа на Дакар за Прајс откако истото му успеа и во 2016 година. Во 2017 година ја скрши ногата на четвртата етапа а минатата година заврши на второто место.
Трката во последниот дел од релито беше навистина изедначена откако Австралиецот ја започна последната етапа во должина од 70 милји со предност од само 1 минута и 3 секунди пред возачот на Husqvarna, Пабло Квинтанила. Но Квинтанила доживеа тежок пад во текот на последниот дел од релито и на крајот мораше да се задоволи само со четвртото место во генералниот пласман.
Со оваа победа на Прајс продолжува неверојатната низа за КТМ која сега изнесува неверојатни 18 победи по ред во класата мотоцикли.
Прајс изјави: „Чувството е неверојатно и мислам дека се уште не сум свесен што успеав да постигнам. Пред да почне релито мислев дека добар резултат ќе биде и ако успеам да стигнам до половина на трката. Мојот мотоцикл беше неверојатен и сакам да им се заблагодарам на механичарите за тоа. Целата екипа заврши неверојатна работа и без нив и јас немаше да бидам тука. Тие вложија толку многу напор пред да почне релито а веќе кога пристигнавме тука, остана на мене да го завршам вториот дел од задачата.“
„Бевме многу изедначени утрово и Пабло и јас знаевме дека мораме да притиснеме уште од самиот старт. За жал тој доживеа несреќа, иако мислам дека ја заслужуваше победата. Сите кои се дел од ова рели заслужуваат да победат. Сега во план ми е да одам дома и малку да се одморам. Знам дека треба да го проверам зглобот но мислам дека нема да помине многу време пред повторно да се вратам на тркањето.“
На второто место се најде минатогодишниот победник, Матиас Валкнер, кој исто така возеше повреден. После речиси 34 часа возење, Австриецот заврши со заостанување од 9 минути и 13 секунди зад победникот.
Британецот Сем Сандерленд го освои третото место во генералниот пласман. 29 годишниот возач имаше одлично темпо во првите две етапи а и покрај казната од 1 час, тој сепак успеа да дојде до третото место.
„Секогаш се чувствувам добро кога ќе ја минам целната линија на Дакар. Ова беше неверојатно тешка трка за сите кои беа вклучени, не само за мене туку и за сите тимови, возачи и механичари. Мотоциклот беше одличен во текот на целата недела и затоа сакам да и се заблагодарам на мојата екипа. Задоволен сум со третото место иако тоа не беше резултатот на кој се надевав. Но, и самото завршување на ова рели е успех. Честитики за Тоби, беше неверојатен во текот на целата недела.“
Сандерленд беше единствениот Британски возач кој успеа да го заврши релито. Макс Хант ја заврши трката за време на етапата број 5 додека пак Ричард Ман се здоби со тешки повреди откако излета во етапата број девет.
Резултати од етапата број 10
Тоби Прајс KTM 1ч 14м 01с
Игнацио Корнехо Honda + 2м 21с
Матиас Вакнер KTM + 2м 38с
Сем Сандерленд КТМ + 3м 19с
Луциано Бенавидес КТМ + 3м 20с
Кевин Бенавидес Honda + 3м 59с
Дакар 2019 конечни резултати
Тоби Прајс КТМ 33ч 57м 16с
Матиас Вакнер KTM + 9м 13с
Сем Сандерленд КТМ + 13м 34с
Пабло Квинтанила Husqvarna + 20м 46с
Ендрју Шорт Husqvarna + 44м 10с
Хавиер Де Соултраит Yamaha + 54м 00с