Останато

Одложена првата етапа од релито Дакар

Дожд и грмтевици во Аргентина, особено во областа каде беше планиран брзинскиот испит од првата етапа на релито Дакар 2016, резултираше со откажување на првиот ден натпреварување на ова епско, 9000 километри долго, рели.

Следете нè на:

 

Деведесет минути после закажаниот старт, директорот на трката Етиен Лавиње, потврди дека временските услови ги спречуваат хеликоптерите да летаат, а тоа значи дека безбедноста на натпреварувачите не може да биде загарантрана.  Етапата требаше да биде долга 637 километри, вклучувајќи го и 227 километри долгиот брзински испит, од Росарио до Вила Карлос Паз.

Менаџерот на KTM Red Bull, Алекс Дорингер, изјави дека денот воопшто не бил лесен. „Веќе патувавме 1000 километри, а успеавме да извозиме само 10 километри. Секако дека не сме среќни поради ова. Но не можеме да го промениме времето. Мораме да ја прифатиме ситуацијата и мораме да се подготвиме за утре.“

12440354 948721461874721 1545727588103691618 oДакар 2016: Временските услови ја откажаа првата етапа

На прашањето дали двајцата тимски возачи, Антоан Мео и Лаиа Санц, кој загубија неколку минути за време на преминувањето преку реката дали ќе успеат да го надополнат загубеното време,  Дорингер изјави: „ Можеби ако денес беше нормален ден, тие ќе можеа да ги надополнат тие минути, но ситуацијата е таква каква што е. Утре тие ќе го дадат најдоброто од себе.“

„Мислам дека и во наредните денови треба да очекуваме исто време како и денеска.  Но тоа е исто за сите и мораме да работиме ден за ден. Мораме да бидеме паметни со модификациите.  Мораме за многу кратко време да ги разбереме и да им ги објасниме на нашите возачи. Тогаш ќе видиме што ќе се случи. Имаме добра комбинација од возачи и мислам дека сите се уште се возбудени бидејќи трката уште не е почната. “

Доколку трката почне во Понеделник, натпреварувачите ги очекува уште еден напорен ден. Патот од Вила Карлос Паз до Термас де Рио Хондо е долг 786 километри, а во него е вклучен и брзинец долг 450 километри. Според организаторите, теренот не би требало да преставува проблем. Тој би требало да преставува предност за возачите кои сакаат брзо возење по ридови. Но има неколку премини преку реката кои можеби се оштетени од временските услови.

По откажувањето на трката во саботата, ветеранот Жорди Виладомс, заостанува само 13 секунди од најдоброто време. Матијас Вакнер од Австрија и Тоби Прајс од Австралија заостануваат 17 односно 18 секунди.  Мео и Санц ќе мора да го дадат најдоброто од себе за да ги надополнат минутите што ги загубија.

Би можело да ве интересира

Неделата воопшто не изгледаше како ден на кој ќе се постави нов рекорд во Мото3 класата. Дождот предупредуваше да не се преземаат ризици и да се биде внимателен. Но Чан Онку се погрижи да се случи токму спротивното.

Последната трка од шампионатот ја одбележаа многуте падови, победата на Довициозо и подиумот на Алекс Ринс, а она што беше нај впечатливо беше успехот на Пол Еспергаро кој го донесе КТМ на третата позиција.

GRT Yamaha официјално потврди дека ќе му се приклучи на FIM Светскиот Супербајк шампионат во 2019 година, а Марко Меландри и Сандро Кортезе ќе бидат возачи на екипата.

Џонатан Реа уште еднаш покажа дека е еден од најдобрите возачи откако постигна најбрзо време на првиот зимски тест кој се оддржа на патеката во Арагон. Пробувајќи го за прв пат  ZX-10RR опремен со новите спецификации, Реа беше за 1.5 секунди побрз од останатите возачи.

Три кратниот светскиот шампион беше именуван за член на MotoGP™ Legend а Шпанецот исто така за време на последната трка од сезоната која се вози во Валенсија ќе биде вклучен и во куќата на славните. Педроса, во 2003 година ја освои титулата во категоријата од 125cc а во 2004 и 2005 година титулата во 250cc. Тој е еден од најуспешните возачи во премиерната класа.

„ Ducati потврди дека нема да биде продолжена соработката со поранешниот MotoGP шампион“

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.