Останато

Хавиер Симеон: Белгијците и нивното чоколадо едноставно не можат да бидат разделени

Белгијците и нивното чоколадо едноставно не можат да бидат разделени, а тоа особено важи за Белгискиот MotoGP возач и иден Moto-E натпреварувач, Хавиер Симеон. Го посетивме во неговата продавница за чоколади за да го прашаме како успева да му одолее на искушението.

Следете нè на:

 

Белгијците и нивното чоколадо едноставно не можат да бидат разделени, а тоа особено важи за Белгискиот MotoGP возач и иден Moto-E натпреварувач, Хавиер Симеон. Го посетивме во неговата продавница за чоколади за да го прашаме како успева да му одолее на искушението.

Хавиер, благодарам што одвои време да поразговараш со нас. Ја заврши сезоната 2018 во тимот на Ducati. Какво беше тоа искуство за тебе?

Xavier 1

„Ова беше фантастична година, полна со предизвици особено на стартот на сезоната. Ducati GP16 има репутација дека е мотоцикл со кој многу тешко можете да се справите и на првите неколку трки навистина имав проблеми. Навистина беше тешко да стекнам самодоверба. За жал, мојот тимски колега имаше повреда, но од друга страна тоа пак ми овозможи да го користам неговиот мотоцикл кој беше многу полесен за возење. Веднаш постигнав подобри резултати, а тоа ми помогна и да ја подобрам мојата самодоверба.“

Xavier 2

Кога ќе размислиш за сезоната што измина, што ти остави најголем впечаток?

„Омилена трка ми беше во Аргентина. Се помина во најдобар ред. Имав одлични квалификации и од таа трка имам само добри сеќавања.“

Xavier 3

Следната година ќе бидеш дел од Moto-E серијата. Како се чувствуваш поради тоа?

„Со нетрпение чекам да почне. Ова е нова серија и првичните проценки се дека ќе биде многу возбудлива. Ќе има многу добри возачи, некои се поранешни натпреварувачи во MotoGP и затоа би требало да биде интересна. Се уште немав можност да го испробам мотоциклот, но од она што го слушнав ќе биде навистина добар. “

Xavier 4

Електрификацијата полека се пробива во мотоспортот. Каква мислиш дека ќе биде иднината на електричните возила? И какво е чувството да се биде дел од тоа?

„Имам измешани чувства. Искрено мислам дека Moto-E никогаш нема да може да го замени MotoGP. Мислам дека во најдобрата категорија секогаш ќе има мотори со внатрешно согорување. Но можеби тие ќе се променат и ќе станат хибриден систем како што има во некои други серии (FIA WEC). Но во секој случај, за секојдневно возење, мислам дека електричните возила се одлична опција.“

Xavier 6

Тука сме во твојата продавница за чоколади во Андора. Што те натера да почнеш бизнис со чокалади токму тука?

„Како Белгиец кој живее во Андора и кој сака да отвори сопствен бизнис, имаш две опции: или да продаваш пиво или да продаваш чоколади. Но има толку многу барови тука така да како подобра ми се виде опцијата да продавам чоколади. Што е уште поважно, мојата девојка навистина сака чоколади и одлучивме да отвориме таква продавница.“

Чоколадата и спорот се чудна комбинација. Можеш ли да му одолееш на искушението кога си тука?

„Обично можам но понекогаш е навистина тешко. Во секој случај, вежбаме напорно и мислам дека ќе бидам во ред.“

Xavier 7

motul makeodnija

Би можело да ве интересира

На почетокот од месецов во Скопје се оддржа првиот Тренинг за безбедно управување мотоцикли во организација на мото клубот Безбедност.

Хорхе Лоренцо ќе се повлече од мото трките.

Валентино Роси дојде до моментот кога треба да одлучи  дали ќе ја продолжи MotoGP кариерата или ќе замине во пензија. Поранешниот ривал Макс Бијаџи има поинаква идеја.

Меморандумот ги поставува основите за нова земја да може да се приклучи на календарот.

EICMA не е само најдоброто место каде што можат да се видат најновите мотоцикли туку е и одлична можност за тимовите да ги престават своите нови возачи.

После 18 трки низ 15 различни држави, голем број на победи, возбудувања и Motul Super Fan настапи, дојдовме до финалната трка.

Бидете информирани за сите новости директно на вашата е-маил адреса
Реклами

Листа на мото настани

Благодарност!

Ви благодариме за тоа што споделувате содржини и го поддржувате нашиот веб сајт.