Останато

Дакар повторно донесе многу радост но и тага

Како што погребите и венчавките се дел од секојдневието, нема причина да не бидат дел и од уникатното наптреварување како што е релито Дакар.

dakar proposal

За многумина Дакар значи живот, значи повторно откривање, запознавање на себе си, жартва, љубов, пасија, искушение... и што ли уште не. Дакар е нешто што мора да се доживее, да се искуси, да се преживее, од првото искачување на пиедесталот, затоа што сите кои се качуваат на самиот почеток на него се победници, па се до последното искачување на истиот, на самата последна етапа која значи си завршил голеееема работа.  

Денес се возеа последните километри од овогодинешното рели Дакар 2022, на кое во конкуренција на мотоцикли победат по вторпат замина во рацете на Британецот со пасош од Дубаи Sam Sunderland (KTM), а кај автомобилите по четврт пат победи Катарецот Nasser al-Attiyah зад воланот на Toyota Hilux. И покрај бројните повреди и откажувања фатална жртва немаше, се до последниот ден кога пустината повторно си го наплати својот долг. Овој пат данокот го плати ни крив ни должен 20-годишниот механичар Quentin Lavallée кој со своето возило задолжено за сервисна поддршка се судрил со локален камион. Засега нема информации кој и како погрешил, но тоа воопшто и веќе не е важно. Сочуствуваме со семејството и се надеваме на полполно закрепнување на сопатникот Maxime Frère кој е префрлен во болница.

Циклусот на животот вели дека по смртта доаѓа раѓање, па по оваа лоша вест доаѓа и една позитивна вест во облик на запросување од страна на шпанецот Javi Vega кон својата девојка Sara García Álvarez, која ја прифати понудата со огромна насмевка. Прстенот беше врачен на целта на релито, што дава уште една друга димензија на целиот настан и гарантира паметење до крајот на животот. Инаку нивната приказна е интересна и ѝ претходи една несреќа кога лани во Саудиска Арабија Javi се здобива со тешки повреди при пад на една од етапите на релито.

Уште од тогаш се раѓа планот во кој Javi ќе послужи како поддршка на неговата девојка. Планот се остварува оваа година се овековечува дополнително со запросување. 

Така, по којзнае кој пат, релито Дакар остава уникатен кисело-сладок вкус карактеристичен за големите битки кои се водат во животот, па од спортско натпреварување и хоби, на крај остава неизбришлива трага. 

Би можело да ве интересира

Со воведување на CE 04, електричниот макси скутер, на почетокот на оваа година BMW јасно стави до знаење дека во блиска идиниа може да очекуваме многу повеќе од германците во овој сегмент. 

Почитувани љубители на мотоциклистичката култура,

Со особена чест Ве покануваме да бидете дел од првата манифестација CRUISE CULT – The Art of the motorcycle 2022, која ќе се оддржи во сабота 25.06.2022 год., во период од 12.00 ч. – 17.00 ч. во Парк на Франкофонија - Скопје.

Трките беа далеку од досадни и неинтересни во трите класи, во кои жештината и конфигурација на патеката, прописно ги истоштија натреварувачите.

Кој каде ќе оди во следната сезона на MotoGP, и зошто. 

Иако викендов во Мизано ја видовме првата победа на актуелниот шампион, сепак титулата е далеку од одбранета.

Од оваа недела CFMoto станува достапен на три нови локации во државата. 

Листа на мото настани

Чопер клуб го најави Run to the Sun 2022.

  • 24 Јуни 2022 - 25 Јуни 2022
  • Clubhouse 3313
  • Илинденска 138, Скопје

Ноќни Волци Балкан: Интернационален мото собир.

  • 09 Јули 2022 - 09 Јули 2022

Најава за мото собирот на МК ЏИНКА Радовиш кој ќе се оддржи на 29/30/31 јули 2022 година. Повеќе детали наскоро.

  • 29 Јули 2022 - 31 Јули 2022
  • Клубски дом
  • Планина Плачковица

Дводневен мото фестивал во организација на МК Тиквеш Рајдерс од Кавадарци.

  • 17 Јуни 2022 - 18 Јуни 2022
  • 12 Другари
  • Ваташа, Кавадарци

Благодарност!

Ви благодариме за тоа што споделувате содржини и го поддржувате нашиот веб сајт.