Викендов на Брно се вози 11-та рунда од МотоГП шампионатот

Патеката Брно во Чешка е домаќин на 11-та рунда од МотоГП шампионатот, трката во недела започнува во 14 часот.

Патеката Брно во Чешка е домаќин на 11-та рунда од МотоГП шампионатот, трката во недела започнува во 14 часот.

Брно е патека со должина од 5,4км, составена е од 14 свиоци од кои 6 се леви и 8 десни, а најдолгиот правец е со должина од 636 метри. Од далечната 1930 година па се до 1982 возачите од ГП шампионатот имале прилика да возат на патека која вклучувала делови од западниот дел на Брно и неколку села, за во 80-те години да биде изградена нова патека, со цел да се привлече Формула 1 во тогашна Чехословачка. По изградбата на патеката, во 1987 година за прв пат била одржана и трка од МотоГП шампионатот, а популарноста кај возачите и публиката е добиена благодарение на поставеноста на стазата која овозможува одлична прегледност. Висинската разлика на патеката се менува низ свиоците па затоа на тест се ставени талентот на возачите како и перформансите на моторите.

Минатата сезона победата на Брно му припадна на Дани Педроса, следен од Хорхе Лоренцо и Валентино Роси. Оваа сезона до сега ни приреди неколку изненадувања, Валентино Роси е вратен во игра и во моментот е водечки во шампионатот, зад него е неговиот клубски колега Хорхе Лоренцо кој го следи во чекор, а конечно и Марк Маркез се разбуди и се впушти во борбата за титулата.

До крајот на шампионатот преостануваат уште 8 трки, вклучувајќи ја и оваа во Брно, па затоа возачите и тимовите ќе сторат се што е во нивна можност да дојдат до пиедесталот. Не очекува возбудлив викенд, а пренос од сите возбудувања ќе можете да следите на Спорт Клуб според следниот распоред: