Марк Маркез на 10-та рунда од МотоГП шампионатот која се возеше на патеката Индијанаполис во САД извојува победа која за тимот на Хонда е вкупно 700-та Гранд При победа од 1961 година до сега.

Марк Маркез на 10-та рунда од МотоГП шампионатот која се возеше на патеката Индијанаполис во САД извојува победа која за тимот на Хонда е вкупно 700-та Гранд При победа од 1961 година до сега.

Нестабилните временски услови на Индијанаполис беа предизвик за сите возачи, а изборот на гуми пред почетокот на трката беше клучна за тимовите. Иако во подоцнежниот дел од трката заврна слаб дожд, сепак тоа не беше проблем да следиме возбудлива трка од почетокот до крајот. 

Хорхе Лоренцо беше водечки во САД од првиот се до 25-от круг кога на сцена стапи Марк Маркез. Последните три круга му припаднаа на возачот на Хонда кој дојде до втората последователна победа (вкупно трета во сезоната), а за тимот на Хонда тоа беше 700-та победа.

Возачите на Јамаха мораа да се задоволат со втората и третата позиција, Лоренцо стартуваше од третото место но веднаш изби на чело од колоната, додека пак Роси кој имаше лоши квалификации и стартуваше од осмата позиција мораше да се бори за пиедесталот. Роси имаше агресивен старт, дојде до четвртата позиција, а Дани Педроса беше човекот со кој до последниот круг се бореа за подиумот.

Во генералниот пласман Валентино Роси сеуште е водечки со 195 поени, зад него е Лоренцо со 186, а на третата позиција се искачи Марк Маркез со 139 поени. Следната МотоГП трка се вози на патеката Брно во Чешка на 16-ти август.