MotoGP

Yamaha призна дека Морбидели е прв избор за замена на Роси

Морбидели, кој има Бразилско и Италијанско потекло, е првиот MotoGP возач кој потекнува од познатата академија на Роси и кој би го заменил Докторот кога тој ќе одлучи да се повлече.

Следете нè на:

 

Шефовите на Yamaha MotoGP открија дека возачот кој доаѓа од познатата академија, VR46, Франко Морбидели е нивниот прв избор кога Валентино Роси ќе одлучи да го напушти тимот. Сепак, ова би важело само доколку Италијанецот следната сезона го покаже целосниот потенцијал во новиот сателитски тим, Petronas Yamaha.

morbidelli rossi

Морбидели, кој има Бразилско и Италијанско потекло, е првиот MotoGP возач кој потекнува од познатата академија на Роси. Сепак, тој имаше тежок почеток на неговата кариера во премиерната класа.

Настапувајќи со некомпетитивен Marc VDS Honda мотоцикл, негов најдобар пласман во досегашниот дел од шампионатот е деветото место. Во моментов заостанува два поени зад возачот на Yamaha, Хафиз Сиахрин, во борбата за наградата „Дебитант на годината“.

Но сега откако ќе почне да вози со мотоциклот на Yamaha за 2019 година кој има речиси фабрички спецификации, шефот на Yamaha, Лин Џарвис, вели дека сега шансите на Морбидели да биде промовиран во фабричкиот тим во 2021 година се значително поголеми, но само ако во иднина забележи добри резултати.

„Тој е актуелен Moto2 шампион што значи дека веќе има потенцијал во него. Тој е многу брз и многу сериозен. Мислам дека ќе биде дел од групата возачи кои во иднина ќе бидат лидери во шампионатот. Тој ќе има одлична можност да напредува, но следната сезона нема да има голем притисок врз него.“

„Тој има дво годишен договор со нас, а после две години истекуваат и договорите на Роси и Вињалес. Во моментов, не знаеме каква ќе биде иднината. Ќе има можности да премине во фабричкиот тим и ако има добар настап, не гледам зошто не би можело да се случи тоа.“

Со оглед на тоа дека ќе настапува со мотоцикл кој е сличен со оние на фабричките возачи, а исто така ќе има поддршка и од Маверик Вињалес и тимскиот шеф, Роман Форкадо, постои голема надеж дека 23 годишниот возач ќе го исполни својот потенцијал.

Врската на Petronas Yamaha со јуниорски тим како и обезбедувањето на мотоцикл со фабрички спецификации, претставува значително поместување од односот кој тимот досега го имаше Tech 3, чиишто возачи има многу мала шанса да напредуваат до фабрички тим и чиишто мотоцикли беа значително послаби.

Иако во моментов Yamaha гради блиски врски со Малезискиот тим, како што вели Џарвис тоа не треба да го спречи Роси да го вклучи неговиот тим во премиерната класа кога ќе се пензионира, порачувајќи притоа дека тие се подготвени да поддржат шест машини.

Би можело да ве интересира

„Коментарот кој го даде Алберто Пуиг предизвика реакција кај неговиот поранешен MotoGP возач Дани Педроса“

„Сега откако си замина најлесниот возач во серијата, првиот човек на Ducati Џиџи Дал’Игна смета дека би било фер за сите доколку има минимална тежина“

„Дали возиме или одиме во вселената?“

Се чини дека постојано има некакви најави и новини во однос на иднината на Ducati, особено со неодлучноста на  Volkswagen AG дали сака да ја задржи компанијата или пак планира да ја продаде.

Аргентинската Гран При трка ќе остане на патеката „Termas de Rio Hondo“, која се наоѓа на северот на државата, уште најмалку три години откако беше продолжен договорот со првите луѓе на MotoGP. Ваквата одлука беше соопштена на прес конференцијата која се случи во Буенос Аирес на почетокот на неделата.

Алваро Баутиста детално откри како во текот на зимата се прилагодува на мотоциклот на Ducati со кој во сезоната 2019 ќе се натпреварува во Светскиот Супербајк шампионат. Баутиста го имаше своето деби со Aruba.it Ducati во текот на дво-дневниот тест на патеката во Херез и за прв пат го испроба новиот Ducati V4 R Superbike.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.